![■劉小麗日前上網台同反對派黈伂人劉細良講立法會形勢。影片截圖](http://image.wenweipo.com/2018/08/21/a13b.jpg)
又「關鍵一席」?你嚇鬼咩!「自決派」小麗老千(劉小麗)日前上網台同反對派嘅時評人劉細良講立法會形勢,話「收到風」會再修改議事規則,所以劉小麗選唔選到嚟緊年底立法會九龍西補選嗰席就好「關鍵」啦。講真,成班反對派支持者都俾「關鍵一席」呢4隻字呃咗唔少次,𠵱家仲邊有人信。不過,有網民就「認同」呢席真係好關鍵㗎,仲話︰「咁老母(劉小麗)一定要輸!」
擬再改議規 講到好嚇人
建制派一向都話要再改議事規則去規管議員行為不檢嘅問題,話「收到風」改議事規則,講得出呢句說話嘅人都唔知係咪啱啱火星返嚟。
不過,有啲人可能覺得「橋唔怕舊,最緊要受」,「小麗老千」日前就喺網台同劉細良一齊講九西補選,主要都係幾個重點,因為要改議事規則,所以要守住「民主派」呢個「關鍵一席」;如果有多一個「民主派」嘅人參選就一定係鬼。咁呢一席由邊個守呢?唔通「小麗老千」會同你講係馮檢基咩!
咁佢講完網民咩反應呢?「天會繼續晴」已經看透世事咁話︰「呢啲大話同性交轉運咁,永遠都唔過時。」「落雨又落雪」亦批評︰「乜×都關鍵一席。」
「取消資格」反問︰「小麗老千仲有人信?」「有冇_搞錯」就順便追曾經承諾捐一半人工嘅「小麗老千」數︰「劉小麗捐咗錢未啊。」
「明月照大江」就話︰「『販(泛)民』班蛋散除咗識陰謀論重(仲)識做啲咩?」
「(有腳)戰神渣古」亦話︰「依(𠵱)家咁嘅情況你『泛民』又做到啲乜,講到改咗之後好大影響咁,依(𠵱)家『泛民』都係扮反對嗌下(鵅^俾人趕然後就通過架(㗎)啦。」
網民譏投票例缺席關咩鍵
「有村老婆仔」揶揄呢班「關鍵」政棍︰「次×次投票都有幾個『飯(泛)民』唔係(喺)到(度),想笑×死人咩?」
「Joshua Kong」就附和「小麗老千」嘅論調,不過就好似相反方向囉︰「咁老母一定要輸!」「以毒供毒」就質疑佢既然咁關鍵,當日又點解要做埋啲無聊嘢︰「唔係你小麗老母on(戇)×宣誓玩野(嘢),會無左(咗)個議席?」
「食魚有魚味」就踢爆話︰「低×能,林鄭要再改議事規則,等立法會開番(返)會就得,使×等你劉小麗入番(返)去嚟阻止咩?」係囉,諗過句對白啦,呃人都要認真啲。 ■香港文匯報記者 甘瑜