正所謂橋唔怕舊，至緊要受，但人哋用過而且證實咗係爛�H一條橋，又何必要再用返呢？「港獨」組織「學生動源」噚日聲稱，佢哋有兩個成員�H家屬喺內地俾公安滋擾，叫佢哋唔好再搞政治，而其中一個成員仲因為驚人身安全而退出𠻹。不過，同日前同樣報稱有成員俾國安扣查�H「中箭」（「香港眾志」）一樣，兩單嘢都無原告、無詳情，「學生動源」仲懶到喺facebook出po（帖文）算數，網民就叫佢哋零分重作！
雖然聽日就係開學日，但「學生動源」仲有心情po咗篇800字咁滯�H文上facebook，唔知係咪已經做/抄晒暑期功課呢？佢哋聲稱有個成員�H家屬俾「廣東省執法部門人員」扣查，警告個成員要停止參與政治活動，未來仲會派執法人員嚟香港接觸佢，佢因為人身安全就退出咗組織，但無講明喺廣東省邊度同時間。
另一單話係上個月喺福建泉州，有個成員�H家屬俾「泉州公安」警告，同樣話個成員喺網上發佈不利國家�H消息，叫佢唔好再搞政治。
「學生動源」又話，得悉有其他「獨」派組織成員喺今年遭遇過類似情況。雖然平時佢哋口口聲聲話要廢除基本法、又「港共政府」又盛，不過佢哋喺文中就引用基本法有關言論自由、結社自由同內地省市不得干預香港事務等啱使�H條文，叫「特區政府」做嘢喎。
冇原告 冇詳情 任佢噏
當啲網民傻�H咩？「Sam Chan」劈頭一句：「任×佢噏！」「Fengshui Leung」就話：「『香港眾志』條橋已經被人笑到傻，好心你班傻仔『動完』就咪抄啦，畀少少誠意認真啲作個似樣少少�H故仔啦。」
「Wah Hoi Lou」更加燒返去民主黨釘書健（林子健）嗰疊，叫佢哋一齊角逐最佳編劇喎。「陳發」就有同理心少少，覺得第一個個案個成員係醒覺返：「想退會又不想說出心裡話，找個好聽的藉口啫！畀個機會啲後生仔啦。」
■香港文匯報記者 陳庭佳