■網民向林卓廷發信息，希望佢跟進新界水浸問題，不過等咗幾日都唔見回覆。 fb圖片如何又要做議員又想「扮工」？民主黨立法會新界東議員林卓廷話畀市民知，寫句「歡迎facebook inbox（來信）」但唔覆人就得。有網民噚日喺fb群組「上水人大聯盟」度出post，話自己就新界水浸一事喺fb傳信息畀林卓廷，希望佢跟進，點知等咗成個禮拜，對方都係已讀不回，真係嬲到大鬧呢班虛偽政棍︰「白鴿黨冇水抽話知你死！」
話之你隔籬區水浸
早排新界水浸，「Tsz Yan Leung」見到小磡村居民話成條村浸晒，居民受困，希望林卓廷跟進，於是就喺fb傳信息畀對方，點知一直不獲回覆。
「Tsz Yan Leung」質疑投票畀林卓廷嘅人係種票定鬼掩眼，「（林卓廷）好明顯有水抽就衝出黎（嚟），fb寫歡迎fb inbox我，等左（咗）成個禮拜，連一句會了解下（吓）都唔覆，直接已讀就算，衰過班建制啦。」佢仲話，建制政黨都「起碼會影張相交差」，「白鴿黨冇水抽話知你死。」
唔少反對派寧願鬧住讚建制派都唔幫林卓廷，「Km Chan」話︰「咁又係呀，『獻世派（建制派）』大雨過後有影相話督促咩部門做野（嘢）清垃圾。」
有班人就堅決擁護林卓廷，但水準就低啲：林卓廷雖然係石湖墟嘅區議員，但佢同時係立法會新界東議員噃，理論上成個新界東甚至成個香港發生咩事佢都應該關心，但「Elvis Wan」就「問」︰「小磡村係石湖墟既（嘅）？」意思即係水浸受災者唔係石湖墟居民，就唔關林卓廷事囉！
「Tsz Yan Leung」就回覆話︰「其實我係睇新聞，上水粉嶺都有唔粉（少）居民受災，咁啱我睇到果（嗰）個post係小磡村民出。如果林議員管唔到，禮貌上覆一句唔係（喺）管轄範圍，總比已讀不回好吧？覆都懶得覆點同選民交代？」
夾到佢做騷即秒回
「Andy Fung」就似乎好認同嗰句「睇你講嘅係乜事啫」，留言揶揄林卓廷︰「選擇性回覆。」「Tsz Yan Leung」亦補刀︰「讚佢地（哋）做得好就覆，你睇另一個post，有人pm林子琼（林卓廷辦事處地區主任），秒回tim（𠻹）。」
又係喎，另一個講阻街問題嘅post，明顯就因為佢哋當日落咗去影相，咪即刻覆人囉。
「鄭作雄」已經睇慣晒林卓廷嘅作風，「都未到選舉日子佢點會出嚟？」「Tsz Yan Leung」再覆︰「應該話冇光環可以搶，出黎（嚟）都廢（費）事。」 ■香港文匯報記者 甘瑜