■趙家賢話呢個考察團喺坉蚞遾B隔籬做商業宣傳，係「混水摸魚」喎。 趙家賢fb截圖真是荒謬，把自己看得那麼高！正常人如果見到自己張橫額隔籬有第二張橫額，最多咪望吓係咩就算，但「民主動力」召集人趙家賢就會將呢件事睇成自己俾人抽水嘞。不過佢一方面覺得人哋叨佢光，另一方面就同人哋橫額自拍合照擺上網，再興師問罪一番，真係邊個抽邊個水都難講。
話說前晚有幅「泰國美食睇樓團」嘅商業橫額掛咗喺街邊，咁啱就喺趙家賢嘅橫額隔籬。雖然人哋亂咁掛應該係違法嘅，但相信佢都係睇到有個空位所以先掛喺度啫，但趙家賢就同埋張橫額自拍兼擺埋上facebook，煞有介事咁起題話《趙家賢竟然會舉辦 泰國美食睇樓深度考察團？！》仲問有冇嚇親大家𠻹。
趙家賢聲稱，件事係「有商業機構混水摸魚」，喺坉蚞遾B隔籬做商業宣傳，結果佢就即刻向食環署投訴。雖然食環喺兩個半鐘內已經清走橫額，但趙家賢仲係「唔放心」，自製大字報貼喺上面「澄清」喎。佢個post最後仲話︰「抽我趙家賢水可怒也。」按咁樣嘅邏輯，如果佢係女人，可能企喺妏j籬佢都會嗌非禮。
自爆被「抽水」 不過無人理
咁「天怒人怨」嘅抽水事件，最終咪有3個人留言咁多囉，另外都有5個人畀「嘩」同3個人畀「哈哈」佢㗎。其中一個留言、近日疑似已經鬆章唔使「民主動力」搞「初選」嘅民協主席施德來都算有幽默感咁話︰「可能佢地（哋）覺得你似『泰國通』胡慧沖。」
有時呢種自我感覺良好可能係會傳染嘅，同樣係民主黨東區區議員張國昌又學趙家賢出post話，自己嘅橫額附近「都有俾人掛呢個泰國睇樓團banner（橫額）」，同樣煞有介事咁話自己同呢啲商業機構無關，質疑人哋覺得佢哋「有信譽」，所以想「魚目混珠」喎。結果佢再慘情啲，得兩個留言，其中一個仲係自己留𠻹。
其實睇佢哋fb咁冇人回應，擺你隔籬唔通又真係宣傳到咩？唔好玩啦！ ■香港文匯報記者 甘瑜