■理大學生會起營「駐紮」。香港文匯報記者彭子文 攝理大學生會「一哭二鬧三絕食」，前晚起會長林穎恒及評議會主席阮柏喨發起「絕食明志」，大批網民紛紛曲線表達「支持」，認為他們「一定要餓死為止！全力支持！」亦有網民以過往反對派政客的「絕食策略」，向二人作出溫馨提示：「可以飲維生飲品架（㗎）！」、「絕食好，有飲雞湯，牛肉湯，燕窩食」。
網民對理大學生會「絕食」睇法多多。「Man Chan」就話：「吾（唔）好偷食杯麵！我撐你，餓死為止，為公義，死又何懼！理大人，撐！」，「Lianlin Zhang」強調：「一定要餓死為止！全力支持！」
同時，有不少意見更充滿「建設性」。網民「王丹」說：「絕對支持兩位絕食！但係，如果肚餓嘅話記得扮暈低，咁就可以名正言順停止絕食，切記，切記。」「陳法強」則提醒他們：「可以飲維飲品架（㗎）！」
「Alby Tse」亦說，「咪×學白痴瘋（黃之峰）一樣，食粥飲寶鑛（礦）力喎......我撐你地（哋）絕食抗爭到底，目的不達寧為死！一定要有信念，絕食，絕食，絕食！」「Cheung Kwok Ying Dorothy」更明言：「絕食好，有飲雞湯，牛肉湯，燕窩食。」
神駒質疑為劉小麗造勢
「無敵神駒」仇思達則發帖質疑，反對派立法會議員邵家臻同黃碧雲昨日去聲援是次「絕食」，係想為參加立法會九龍西補選嘅劉小麗造勢，「唔知幾時到理工專上講師劉小麗呢？多謝各位為左膠做嫁衣裳，為老千助攻！ 」佢仲標註咗「選舉廣告」。
「King To Leung」就附和：「好快到《蘋果日報》，《明報》，《立場新聞》，《眾新聞》。一眾媒體全程直擊，勢要炒熱話題。」不過，「Mars Tsui」對此就有「異議」：「小麗老千甘（咁）錫身，隨時助攻俾（畀）佢都唔去。」 ■香港文匯報記者 余韻、陳川