■見到班劉小麗盲粉「搞基」，老馮冇發火之餘仲要逐個逐個覆。fb截圖「泛民大佬」剩係識出口術圍攻老馮（馮檢基）就眾所周知啦，但所謂「物似主人形」，佢哋班支持者梗係都唔執輸，齊齊出把臭口，真係一人一啖口水都浸得死老馮。話說老馮噚日喺facebook上出po（帖文）話自己擺街站，結果就引晒成班劉小麗嘅支持者盲鬧，又叫人食屎又叫人去死，質素有幾「高」，就等大家自行理解啦。
老馮報咗名參選之後，就梗係順理成章咁開始佢嘅工作啦。噚日，佢就喺自己老巢深水埗繕饈葫ㄥシ獢C其實成件事都好正常，但喺班劉小麗盲粉眼中就似係殺人放火咁，一味人身攻擊又唔講道理，更叫人食屎又叫人去死。
人身攻擊問候祖宗十八代
好似「Eric Wong」就鬧老馮「可恥」：「馮檢基永續老人政治，可恥已近極限！」「Wong Ken」就叫老馮食屎：「你條垃圾講咁多次最後一次參選，又嚟過，你食屎啦！」「Man Lo」更加「問候」晒人哋祖宗十八代：「馮檢基人渣你個×街老了十八代早死！」
一般人咁俾人鬧法都會發火啦，但估唔到老馮EQ高到冇還口之餘，仲要同班盲粉交流同回應，逐個逐個留言覆，做過「民協facebook管理員」真係唔同啲。
例如有人話老馮反口，佢就回：「如果『非建制派』講過建立『民主初選』制，又反口，又嚟過協商欽點，佢哋食屎先！我不會反口！」有人咒佢去死，佢就回：「唉，無道理識講。咒罵人，自己一口鮮血！」
理性網民執言抱不平
見到成班劉小麗盲粉有理無理都「屈基」，唔少網友都幫老馮出聲。「Mario Wai Wai」就叫老馮唔好理班盲粉：「哥基（老馮）唔好理啲傻×，講咁多廢話想剝奪你參選權。」
「Red Fish」就心水清，知道班盲粉口講民主但做就霸權：「 民主理念不應被大局勝負所扭曲，基哥甘負罵名，堅持信念，『泛民』支持者豈有抵委（詆毀）抹黑之理。」「Mandus Lau」就鬧班「泛民大佬」虛偽：「支持基哥，繼續撕破呢班『偽民主派』畫皮！」
■香港文匯報記者 何西