■蒙嘉慧送上愛心湯水，令伊健感動得難以言語。香港文匯報訊（記者 李思穎）睽違7年，鄭伊健將於明年2月24至27、3月1日再登上紅館舉行「Along with Ekin Live Concert 2019」演唱會，合共5場，門票於下周二（11日）公開發售。昨日記者會上，伊健獲得粉絲、一班圈中好友拍片撐場，最大驚喜是素來低調的伊健太太蒙嘉慧也有拍片支持，更送上愛心湯水打氣，令伊健感動得難以言語，而好友鄭秀文最想伊健在個唱上騷出一雙「毛腿」，獲伊健答應考慮！
活動上先播出一眾好友支持片段，包括有「古惑仔」成員謝天華、陳小春、錢嘉樂、林曉峰、葛文輝、陳奕迅就投伊健所好，邊打羽毛球邊拍片，狀甚搞笑，最鬼馬要數是鄭秀文，她希望見到伊健在個唱上着短褲，因在《風雲》上見過他的腿很粗，很想看他着短褲唱《友情歲月》，慰寂一班中女。
壓軸片段是蒙嘉慧，帶來全場驚喜，蒙嘉慧笑說：「知你為演唱會做好多準備，屋企�H過期食品等你做完演唱會先食，我繼續做老婆做�H嘢，唔使擔心我，湯水繼續有，老公加油！」雖然是簡單的打氣語，足令伊健感動不已，伊健驚喜道：「咁都出埋，唔知有咩反應，我兩個一齊比較低調，好少見佢出現，但佢係我龐大精神支柱，屋企乜都得，上台唔知點講。」其間又邀請一直支持伊健的粉絲上台，他們送上回憶點滴片段給偶像，搞到伊健眼濕濕，粉絲又乘機撒嬌投訴伊健很少跟他們合唱，又要求伊健在個唱上穿上歌迷會服唱會歌《感激我遇見》，伊健一一答應。
笑太太緊張口窒窒
伊健受訪時，坦言被粉絲感動得盡在不言中，最初只叫他出來便可以，沒想到有很多驚喜位，他又指事前不知太太有份拍片打氣，笑言：「佢緊張過我，口窒窒，佢平時說話好順暢，牙尖咀利，不過開心的。（太太煲愛心湯水？）係，都要，以前我不喜歡飲，原來好有用，事半功倍，佢特別搵人學煲湯水，針對聲音和身體撫慰。（請佢睇足五場以示獎勵？）唔好喇，佢向來在後台，只係好少話畀大家聽，我驚佢睇足五場會悶，已經日日對住我，不過我在台上是有分別。」不過，伊健拒絕兩公婆齊齊上台，因這次演唱會成果不僅是一人，而是一個龐大團隊共同分享。
現時伊健已開始為個唱操練，有感現在的演唱會不僅是表演唱歌，如同做騷一樣，體能上更吃力，必須操得更強壯，會否在個唱上騷肌？伊健表示會順應服裝指導要求，不設底線，當然需視乎狀態，但說到鄭秀文想睇其短褲Look，伊健笑謂：「我怕好睇得滯，留返佢60歲先，而且冬天不宜着短褲。（雙腿是你秘密武器？）以前電視尺度較低，發哥（周潤發）可以除衫上鏡，當年我入廠也是穿短褲，同事見到會話好sexy，有些就話多腳毛，自此我不好意思再着短褲，因腳毛太多，上台就未試過，可以諗下，多謝鄭秀文，哈哈。」