■基仔找來老拍檔胡定欣演今次MV女主角。香港文匯報訊 古巨基新歌MV《亂世情侶》前日出街。今次MV女主角找來基仔老拍檔胡定欣演出。定欣在14年前曾為基仔的《愛與誠》MV任女主角，今次二人再演情侶，為了儲錢計劃結婚，各自忙碌工作令感情生變，基仔與定欣對此都深有感觸。
基仔與定欣對上一次合作原來已經是14年前，當時定欣為基仔《愛與誠》MV任女主角。講起往事，他倆都互笠高帽，大讚對方完全冇變過，基仔說：「好特別呀個感覺，我哋頭先傾偈，都話眨下眼就過咗咁多年。所以可以再邀請佢（胡定欣）來拍我的MV，我係非常開心。佢拍劇時間好忙，好耐冇為人做MV女主角，所以我在此要特別多謝佢。好多人所講的『回憶殺』，我諗我哋今次再拍MV就係喇。」
MV講述一對情侶大家為了儲錢計劃結婚，各自忙碌工作令感情生活有變，女方返office經常OT、男方就在倉務員返通宵班，看似一齊計劃將來，但其實忘記了身邊人。最後有所領悟的基仔跑去定欣公司找她，是一個touching的結局。基仔表示：「為咗計劃將來，但忘記咗現在，忘記咗兩個走埋一齊的最初意義，所以呢隻歌加埋呢個故事，係一個愛情上幾大感觸的古仔。」定欣亦有感而發道：「唔單止係返office工有咁嘅情況，其實我哋做呢行都係冇日冇夜，好多好重要的moments或者好似首歌講人與人之間最緊要那份感情、過程中緊扣的感覺缺乏咗。」
定欣勾起打秘書工回憶
在office拍攝還勾起了定欣入行前的回憶，她說：「我做過兩年秘書先至入行，同埋覺得返office呢件事好貼地呀，哈哈。」而今次拍攝MV，可說是定欣「出山」之作，「我舊年五月做完舞台劇之後，就冇做過戲啦！所以今日係我第一日返工，哈哈。我頭先都覺得係時候pick up返。」
除了唱和演，今次MV亦由基仔親自執導，在拍攝過程中提供不少指導，每拍完一個shot，基仔都會走到鏡頭後睇playback，十分認真，定欣表示：「基仔解說MV故事時解釋得好詳盡，今朝在車上面聽佢講時，我已經好有畫面、好感動，可能因為人大咗、或者經歷多咗，對呢啲事會好感受到。」基仔亦不忘大讚定欣演技一流，「定欣當年幫我拍完《愛與誠》後，一直努力拍劇甚至兩奪視后，絕對係好戲之人！有好多場戲定欣都係一take過，而且有幾個位我都睇到眼紅紅。」