康華香港文匯報訊（記者 梁靜儀）康華昨日到新城電台宣傳新歌《拼火花》，她表示新歌反應理想，帶挈工作接踵而來，近日有很多人找她在周年晚會、派對及樓盤活動上獻唱，但因尚要拍無綫劇集《法證先鋒IV》，不敢請太多假賺外快：「接到一、兩個，就喺初一、初二，但推咗四、五個job，（賺少一大筆錢？）唔緊要，其實都唔知實際幾多錢，有啲唔啱都冇問，針冇兩頭利！不過劇組已好好，之前遷就我去做訪問。」
問到可覺得做歌手辛苦？她笑指反而輕鬆過做演員：「因為做歌手唱完就OK，自己ready好上去唱完歌就得，但拍劇做得唔好會影響整個劇組。」問到喜歡演員還是歌手身份？她笑謂兩樣都鍾意，唱歌又可以睇到即時反應，像日前出席音樂頒獎典禮就感到很輕鬆，但做演員出席記者會，要上台介紹角色都幾有壓力，而且很多時要等上很多個月才會見到出來的效果。
入行多年才唱歌，她又可會覺得遲了起步？康華謂：「以前後生唔識，登台心態是為搵錢，唱得唔好都唔緊要，因為冇人聽到。記得第一次喺內地登台，緊張到淆底，寧願退錢都唔想出去，當時冇壓力就愈唱愈好，但都要落多啲苦功至有成果。」