許廷鏗香港文匯報訊（記者 梁靜儀）許廷鏗（Alfred）昨日到新城電台宣傳將於三月於紅館舉行的處男個唱。提到日前在個唱記者會上，被巴西女Model錫嘴，他笑言心情已經平伏，而當時表現尷尬是因為怕影的樣似強吻女方。
問到跟對方可有保持聯絡？他笑言沒有，只知對方住在巴西。問到可會嬲公司有這個安排？他說：「冇嬲，未試過公開錫人，同Fans攬攬都試過，如果正常知佢錫我嘴會推卻，不過事後回顧對方動作頗純熟、嘴唇又軟熟，（似乎好回味？）又不至於懷念，一次起兩次止，自己都三十歲，真心覺得經過呢次大個仔咗！」他又自爆報道出街後，歌迷反應很激動：「佢哋留言話『That should be me』?（個唱加插咀Fans環節？）成萬二人一齊咀要搞幾個鐘！（錫手背？）咁要招呼唔同價位嘅朋友，去到紅館係冇保留，盡量招呼啦。」
Alfred又透露最貴780元的門票已售罄，其餘價位只剩下少少門票，農曆新年假前他會加緊綵排。至於問到可會加場？他說不會了：「當呢次紅館騷係我初夜，入得場嘅都係我初夜一部分。」