反對派永遠都係咁，自己嘅權利放到無限大，人哋嘅權利同佢哋嘅政治利益相比就咩都唔係。懷孕少女喺台灣慘被殺害，發現時屍骨不全，個港男疑犯匿喺香港，因為兩地冇移交涉案者嘅安排，只可以控告個疑犯偷錢，一屍兩命都及唔上被盜用嘅1.9萬蚊可以沉冤得雪，咁荒謬嘅事，偏偏反對派仲想阻止政府修例，令政府無法將疑犯移交台灣。唔少網民見到反對派用一堆政治陰謀論想阻住政府填補法律漏洞，都忍唔住問佢哋，如果死嘅係反對派屋企人，佢哋仲會唔會咁冷血。
網民對於呢件事都討論得好激烈，好多人都係先喺受害少女嘅屋企人角度出發。「David Chan」都算苦口婆心︰「針唔拮到肉唔知痛嘅！涂生（民主黨涂謹申），如果你個女或你老婆畀（俾）人搞完，殺埋再畀狗食，我想問吓你會點做？唔好每樣嘢都政治化！」「Maggie Siu」亦話︰「殺人要有報應，請想下女方父母。」「Ruka Ho」怒斥︰「又證明『民主派』正×街為反對而反對。死毛婆（毛孟靜）請你可憐女死者的父母。」「Shum Wai Ming」就挑機問班反對派︰「點解唔約見死者家屬講？」
問為何替犯罪者擔心
有唔少人都覺得，唔犯法根本就唔使有反對派所講嘅「擔心」。「Candy Kwan」話︰「（反對派）因為怕中國，所以連在其他（冇引渡協議的）國家犯法嘅人都可以逍遙法外。又係嗰句，冇做國家法例下不容許的事，國家唔會捉，咁為什麼要替犯罪者擔心？」「Cham Lim」亦話︰「不論何人犯法就應該將他繩之於（以）法，毋須理會罪犯是支持『黃屍（絲）』或建制，『泛民』等弱智何苦硬生生搪塞一個全無義意的『政治目的』這個虛偽詞彙為罪犯貼金塗粉呢？」
至於反對派嘅花式恐嚇，唔少網民都相當清醒。「Li Pik Kwan」就鬧「議會陣線」朱凱廸話政府修例係想「暗渡陳倉」，「咩話？暗渡陳倉？一陣個殺人犯就暗渡陳倉！豈有此理！我都係做父母既（嘅），睇到人地（哋）個女咁枉死，我都好難過！個個都希望殺人犯能夠得到應有既（嘅）監禁，懲罰，唔係個個謀財害命，消（逍）遙法外，咁受害者點呀！」
表明唔修例更危險
「Keydol Li」亦話︰「又咩都怕牽涉到政治！都低能嘅！調返轉如果呢次殺人無罪先叫開先例呀！各位去旅行要小心啦！就算唔係畀（俾）人請你去！你畀（俾）人跟住去隊冧咗都唔知咩事呀！仲有職業殺手以後易辦事啦！」「Hang Tung Chow」就恥笑毛婆嘅恐嚇話︰「哇，『木馬屠城』啊，香港有幾多顛覆國家犯？」
有網民直情話，反對派講到通過修例咁危險，但其實唔通過就仲危險，因為假如內地人來港犯嚴重罪行，都可以走返內地，台灣人嚟香港殺人，及時返台灣都唔會有事，「就係因為有你地（哋）呢班『犯民』包容同協助！」有人就話，如果香港社會第時越嚟越危險，班反對派一定要問責。
■香港文匯報記者 甘瑜