■基仔請來張智霖任嘉賓。香港文匯報訊（記者 李慶全） 「古巨基WE世界巡迴演唱會」香港站part 2於前晚尾場，捧場嘉賓有唐詩詠、蘇志威、向海嵐、傅明憲、曾樂彤、許靖韻及姚瑩瑩等。基仔於尾場請來張智霖任嘉賓，智霖少有穿上大紅花碌碌西裝上台，連基仔都驚訝：「嘩，你着到咁靚仔呀你！」智霖笑答自己一向都是黑白灰，但為了襯基仔又配合要開心、要繽紛，才破例揀件花碌碌。智霖又笑指基仔原來是他前輩，比他早一年入行：「我由細聽你歌大啦，前輩！」
兩人合唱完《現代愛情故事》，基仔笑指印象中智霖是一個24小時都靚仔的人，到近兩年跟他愈玩愈多經常見面，開始更了解，發覺他不單止一個靚仔那麼簡單，還是一個開心果，經常帶給大家很多歡樂。「智霖更加是一個好錫老婆的人，我和他有一些地方真係好似 ，我記得有一次智霖來我家玩，我工人姐姐拿了雪糕出來，他靜雞雞行去拿了雪糕之後，就突然聽到阿靚好大聲，好惡咁大叫：『張智霖！你唔好食啦你！』智霖邊笑邊回應：「係呀，你也一樣，古巨基其實都係一個飢民！都係經常冇嘢食！」待基仔換衫，張智霖獨唱了《歲月如歌》才離台。
尾場關係，歌迷分外熱情，安歌環節完結仍不肯離場不停大叫再安歌，基仔再次出台，被罰錢都繼續唱下去，又任歌迷點唱，最後他清唱《苦浪漫》及《幸福方舟》，繼而全場一齊大合唱《情歌王》，直至唱到十二點才作結。