咩叫一時一樣？望下反對派對立法會秘書處嘅態度咪知囉。早兩日反對派班議員講到無嘢好講，將立法會法律顧問「循例」去信政府澄清法律觀點嘅程序，講成係法律顧問「質疑」保安局，「民主派會議」召集人毛婆（毛孟靜）仲讚法律顧問「好犀利」𠻹。結果毛婆前日就鬧立法會秘書處就內會指引向法案委員會發信尋求意見，係招數「下流」喎，成班反對派又跟住起哄。連「獨派」都忍唔住笑班反對派唔夠48個鐘就「炒車」。反對派係咁搬龍門，唔小心一巴車返落自己度，好正常啫。
中大「獨」講師劉正噚日就喺坉荂u無神論者的巴別塔」facebook度揶揄班反對派，「政治真係一日就嫌長」，恥笑佢哋唔夠48個鐘之前仲讚緊法律顧問，轉個頭又去鬧秘書處，「即係蠢到咁仲話要同特區政府鬥法，真係×到叫旁觀者唔敢睇。」咁又係，班「飯民」轉軚轉得咁快，叫反對派支持者點跟啊？■香港文匯報記者 甘瑜