■金剛和麥長青表示以前曾一齊拍劇，但一齊主持節目則是第一次。香港文匯報訊（記者 梁靜儀）金剛與麥長青（麥包）昨日率領十多位C9（師奶）出席ViuTV新節目《C9旅行團》發佈會，二人稍後將夥拍女助理蔡寶欣(Pony)，帶領一班C9團友到台灣上山下海走訪不同風景名勝、吃盡地道美食。
金剛和麥包表示以前曾一齊拍T劇《巾幗梟雄之義海豪情》，但一齊主持節目則是第一次。麥包表示將會帶C9返金剛的鄉下（台灣），不過金剛就笑言自己現時對台灣都唔熟，想了幾日都諗唔到也不知去哪裡好，因他放假都是匿在屋企。說到他可帶C9返屋企煮飯仔？麥包即和議：「呢個都係好提議。」金剛則說：「她們仲老過我阿媽！」麥包指他不用怕伯母會有誤會，況且他也都公開了有女友。
早前金剛在社交網上留言「放負」，因而傳出他與女友梁云菲情變，金剛對此否認說：「我唔係講我的感情，係同其他朋友『割席』，我同女友感情不知幾好。」麥包就安慰他指每個階段都會有這些情況。
說到金剛以往的節目都有性感靚女助陣，但今次就面對C9團感覺如何？金剛笑說：「唔可以咁講㗎，雖然呢個問題我都有問監製，今次好有窩心、親情感覺。」問到二人在C9團中誰較受歡迎？金剛即推舉是麥包，因為他由粵曲到流行曲都識唱。問到何時出發拍攝？麥包表示下月便出發 ，預計會拍攝超過兩星期，而今次他們是當Guide(導遊)。金剛聞言即很大反應說：「做雞？」麥包就笑說：「我們最多都係做鴨，做Guide導遊呀！（有小費收？）一講畀貼士，班姐姐就一邊點頭，一邊耍手。」