■「無神論者的巴別塔」鬧社民連「忘記初衷」。 「無神論者的巴別塔」fb截圖泛暴派社民連一直以不登記、不提名、不參選任何立法會功能界別自居，目的是想杯葛功能界別，但有消息傳出，社民連有意喺今屆立法會選舉參選搶佔功能界別議席。中文大學「獨」講師劉正噚日就喺facebook專頁「無神論者的巴別塔」上嬲爆爆地鬧社民連「忘記初衷」，竟然毫無原則地為功能界別拉票，甚至自己參選埋一份，唔怪得連網民都話社民連嘅原則就係無原則，「真係弱智嘅先會繼續信泛民！」
好似長毛等社民連廢佬廢中經常扮大佬，得罪咗唔少激進嘅後生仔，落區選一定俾人圍，但人血饅頭唔食點對得住自己，所以就開始打功能界別主意。
劉正回帶當年叫人杯葛
劉正連續發帖，先post一張2012年社民連嘅相、立場書及新聞稿，內容係指鼓勵全港已登記選民和未登記準選民，在選民申請表格第五項選擇「不登記」成為區議會（第二）功能界別選民（即第二選擇），以杯葛立法會功能界別選舉。回到現在8年後，有廢老KOL大吹特吹功能界別之夢，長毛全力為飲食界功能界別拉票、社民連重量級人物即將參選超區，其他成員或默許、或支持。
所以連泛暴派劉正都好嬲地問相入面呢班人，有幾多個仲記得當日社民連成立嘅初衷，係不登記、不提名、不參選任何功能界別，亦因為堅持杯葛功能組界別，先至會出現社民連呢個激進派組織？跟住開始鬧社民連，「然後去到今日，你竟然可以掉番（返）轉跳埋入去你自己杯葛嘅界別參選？你原則派個原則去咗邊？」
好笑嘅係，劉正指出去到最後始終堅持社民連路線嘅唯一一個人，竟然係同社民連勢成水火嘅黃毓民，叫無咗原則嘅社民連唔好再用呢個名，「即係社民連你班×樣背棄了理想唔緊要，唔該唔好再掛住社會民主連線呢個名，你地（哋）係污辱緊呢個招牌。」
網民：2020仲信「飯民」？
劉正嘅頭號粉絲「Chan Chun Yin」道出「飯民」真面目，「今天的我打倒昨天的我，就是『販民嘅』特徵。」「Kwokchun Cheng」直接鬧長毛豬狗不如，「長毛以前鬧梁家傑選特首玩小圈子選舉豬狗不如，結果自己17年去選，豬狗不如。」﹔「Vic Ng」又看穿「飯民」嘅另一原則，「原則咪就係要人捐款囉」﹔「Ho Chun Lau」都話2020年啦唔好仲信「飯民」，「真係弱智嘅先會繼續信泛民！2020年喇大佬！」 ■香港文匯報記者 郭家好