■民協何啟明嘅政綱就話要炒晒立法會保安同秘書長，由「手足」同cheap禎（游蕙禎）頂替。 fb圖片攬炒派嘅參選政綱同民生脫節已經唔係新鮮事，但估唔到有人為博出位，連炒保安都可以係政綱。攬炒派「初選」臨近，各候選人奇招出盡拉票，民協嘅何啟明就話，當選後會炒晒所有立法會保安，由「手足」頂替，仲會炒埋現任立法會秘書長陳維安，再請返當年被陳維安判定侮辱就職誓詞而喪失議員資格嘅cheap禎（游蕙禎）喎。唔少網民批評佢為咗勝選而借cheap禎過橋。
嚿年一班「黃絲」、「素人」嘅政綱清一色係「五大訴求 缺一不可」，但何啟明可能知道自己冇乜名氣，難用平平無奇嘅政綱突圍，於是拖埋「手足」同cheap禎落水。
批何借「cheap禎」過橋
當年被陳維安判定宣誓無效而被DQ嘅仲有cheap禎嘅前黨友、「青年新政」召集人梁頌恆，但點解何啟明淨係提cheap禎？其實，當年cheap禎被DQ後，何啟明曾想參加補選攞坉茼魽A但當時就被民協前元老馮檢基迫走，可能因為咁就覺得同cheap禎「同病相憐」，但唔知網民又點睇呢？
「Raven Wong」就話：「好×假喎，當年你班×樣有份贊成DQ佢地，而（𠵱）家又借人地（哋）拉票？」何啟明就回應話：「我地（哋）一直都反對DQ任何民選議員，包括游小姐！」結果被「Ng Kiki」揶揄：「都唔知點樣當年有份反對，民恊上屆立會全軍覆沒。」「Sy Ko」就不屑：「政綱之一？請保安由議員話事？議員負責面試同篩選？將目光集中香港事務，做番（返）少少實事向選民交代下（吓）？」「Ralph Wong」就貼出一個笑到喊嘅表情：「真係一個政治笑話，一個議員政綱竟係寫要炒保安，幾咁鴻途（圖）大志！」 ■香港文匯報記者 鄭治祖