即時放寬就更好
車仔麵店歐先生：我哋食肆完全係處於水深火熱之中，晚市靠外賣根本彌補唔到收入，以往晚市每晚起碼都有十幾枱客人，??家外賣得嗰三幾張單，捱得好辛苦。政府延長食肆營業時間梗係好事，始終可以多返啲客人，其實如果即時實施就更好。
生意總會有幫補
茶餐廳楊女士：雖然我哋主要做早午市，都希望政府放寬埋夜晚堂食，點都可以幫補一下。有啲建議話食肆要將負責執枱同傳菜嘅工作分開畀唔同員工做，對我哋小食肆係有啲困難，不過如果政府決定做，我哋都會遵守，可以防止疫情持續，大家可能需要忍耐一下。
坐低食餐安樂飯
何女士：上幾個禮拜試過日頭都唔畀堂食，我返工都要喺公園度食飯，真係好唔方便。可以放寬晚市堂食梗係好啦，好多人仲要出街做嘢，可以畀人喺曙U安安樂樂咁食飯，應該即刻放寬，唔使等到星期五啦。
夜晚堂食定幫襯
王先生：喺曙U食飯要除口罩確係有啲風險，不過既然疫情已經算係緩和咗，放寬返啲都係合理嘅，不過餐廳當然要跟返足所有防疫措施，好似限制人數同維持枱同枱之間距離，我都會幫襯夜晚堂食。
■圖/文：香港文匯報記者 文森