■左起：曾詠熙、林德信和馬敬恆在天氣寒冷下食雪條。香港文匯報訊（記者 李思穎）林德信（Alex）、曾詠熙（Teresa）和音樂人男友馬敬恆（T-MA）早前到網台宣傳，更分享聖誕願望，三人又大玩遊戲，在寒冷天氣下，輸家要「速食」Alex代言的雪糕產品，其間為現場製造不少歡樂氣氛。
聖誕將至，Alex小時候最期待便是聖誕節，會刻意早起來拆禮物，他開心地說：「4歲時在美國居住，當年早起身跑落樓去聖誕樹底拆禮物，好似電影橋段！返到嚟香港就冇啦，因為𠵱家間屋咁細，聖誕樹都擺唔落啦。」
不過，他仍期待聖誕派對，可以趁交換禮物環節「散貨」：「因為平時好多贊助的禮物，但可能我未必鍾意，咪攞出去同人交換囉，我唔鍾意，可能其他人好想要呢！」
同場的T-Ma和女友Teresa不時放閃，Teresa揚言想帶男友返新加坡過節：「早排聽到兩地有旅遊氣泡，想帶他回去見家人，剛好弟弟要結婚，我一定要回去，要做婚禮主持，但現在疫情就沒辦法。如果香港過節就準備得浪漫一點，幫對方按摩、煮聖誕大餐吧，但預感到十分累。」
T-Ma就大讚女友廚藝了得，自己就畫素描回禮，成功感動女友。早前二人合作推出新歌，T-Ma自爆瞬間打破最多錄音次數紀錄：「我成日聽人哋聲音好容易，但係聽自己把聲就好唔習慣，呢次我錄咗300個Take，係一個冇人可以打破嘅紀錄。2021年我想出多啲歌，幕前幕後雙線發展。」