「榜樣」嘅力量係無窮嘅。黃色經濟圈龍頭龍門使用嘅告急呃錢術好奏效，搞到好多黃店走嚟有樣學樣，近日就有人爆出遍布好多區嘅十幾間黃店告急，個個預告自己即將喺未來的幾日或幾個月結業，唔知隨住結業日期嘅臨近，故事嘅結局會唔會有預料之中嘅反轉呢？專門上載黃色經濟圈消息嘅facebook專頁「美。食。游。蹤」特登整咗個「4月至7月份結業黃店」相簿，噚日就一次上載十幾間聲稱即將結業嘅黃店，包括沙田嘅農民泰菜（新城市好運中心）、元朗The Basic，上水飯飯包掂等等。
但啲人嘅反應好似就未如所願，好多人嘅表態好似覺得有啲黃店抵�哋死。「Zzkw Kawai」話「先唔講係咪黃，好運個（嗰）間又淡又難食。普遍貴，食過幾次都冇食。」「John Sum」就幫口：「啲飯硬架（㗎），黃圈都係要競爭架（㗎），無理由似（恃）住黃就大晒，始終黃自己都有高低之分，結業都只係汰弱留強。」「Bill Wesley Reedas」就覺得：「好多以為話黃就賺硬，唔使理質素唔使專業......當消費者係乜？劏硬。」其實除咗嗰幾間黃色經濟圈嘅大佬有賺，其他啲小黃店實質係陪跑啫，以為真係入咗黃圈等於富貴晒，咪天真？ ●香港文匯報記者 文根茂