●曾健超（左）與楊朗（右）合照，宣傳楊的新店。 曾健超fb截圖網民回帶楊朗掠水劣跡 質疑賣慘搶黃圈光環
為咗爭食人血饅頭，黃圈鬼打鬼嘅戲碼真係好複雜。話說因為被黃店「龍門冰室」老闆張俊傑炒魷，為咗報復而向傳媒揭發「龍門」人血內幕嘅「Marco Yeung」（楊朗），早前因被張俊傑入稟告誹謗而沉寂咗一排，估唔到佢近日竟然自立門戶，開咗間台式食店，仲獲攬炒派區議員、「佔中」襲警分子曾健超到場宣傳。唔少網民見到都非常氣憤，質疑一直呻冇錢打官司嘅吽A借着俾「龍門」迫害嘅光環呃錢呃到可以開舖。其實啲網民又唔使咁火滾嘅，事關喺黃圈搵食嘅人全部都係為咗自己利益，有呢啲情況完全唔奇。●香港文匯報記者 雨航
因參與前年元朗「7．21」事件而被控暴動罪嘅楊朗，曾經喺由張俊傑創立嘅「香港人嘅冰室資源中心」擔任手工藝室主管，後來因為鬧不和被張俊傑辭退，心有不甘嘅吨嬪O透過「抗爭」文本「消失了的聖誕卡」同埋傳媒，踢爆「龍門」利用「手足」賺錢再用完即棄嘅內幕，結果被張俊傑入稟告誹謗，唔少反「龍門」嘅黃絲當時一度幫楊朗護航，同龍粉撐到盡。不過，之後因為楊朗被質疑喺太古城片皮鴨團購中呃「同路人」運費，而令輿論風向轉變。
曾被踢爆團購掠運費
「連登」網民見到早前俾龍粉頻頻狙擊嘅楊朗竟然有錢開舖，紛紛質疑佢係靠賣慘呃錢起家，有網民更幫大家回帶，楊朗去年9月參與黃絲組織「太古同怒人」嘅團購統籌，但佢賣嘢嗰陣就冇用黃店本身提供嘅運輸服務，並以運輸費為由，每張訂單要求客人畀多最少30蚊。楊朗仲喺客人取貨時藉機兜售唱衰龍門嗰本「消失了的聖誕卡」，搞到有黃絲忍唔住投訴。
曾健超近日就喺fb開post推廣楊朗嘅新舖「鐵路便當」，講到間舖係由「手足」Marco營辦，又話呢間舖「係我哋一齊撐起『自己人』，撐住黃色經濟圈嘅機會」，結果當然引嚟唔少負評。
記得攬炒派區議員趙家賢早前喺網民大鬧「龍門」告楊朗嗰陣，力撐楊朗係「真手足」，而當楊朗喺太古城團體瀨嘢後又急急割席，唔知今次曾健超係咪又係嗰啲見好就黐埋嚟，見衰就踢開人嘅人呢？網民「UST南亞仔」就貼返楊朗去年5月喺fb批評攬炒派嘅帖文，並留言話：「成日搵『泛民』，原來喺背後又係狂×人」。
「做乜×啫你」就揶揄楊朗：「全場照價和勇不分加三十（蚊）」「吸血鬼吸Ｍ血」就搲晒頭：「唔係話冇錢打官司架（㗎）咩？而（??）家有錢到開餐廳。」
「Kean Lee」亦叫楊朗「乖乖地（哋）匿返喺自己間鋪（舖）裡邊，唔好再四圍出嚟偷呃拐騙啦」「Anthony Lo」就回應：「龍門張搞到連執幾間真係應有此報。人哋正正經經開店又唔抵得，又派啲聾（龍）粉即係網絡打手出嚟搞事，龍門折墮收場真係唔抵可憐。」
「Yan Wong」就替張俊傑唔抵：「首先張生蠢在三萬（蚊）請咗呢件垃圾，仲要俾人過橋抽板，埋咗嗰班要爭黃市場持份嘅所謂黃店堆，夾埋藍西唱衰瓏（龍）門，結果咪所有唱衰瓏（龍）門嘅人都不停撈到油水開分店，連呢隻社運老鼠收埋啲維穩費都逆市開舖，係張生俾人網絡欺凌到精神病，兼夾為咗支持呢場運動賠左（咗）幾間舖。」
網民寸鬼打鬼 「等睇兩間嘢執笠」
但「Cecilia Mok」就認為「龍門」都唔抵可憐：「Marco Yeung係社運老鼠，但張生都唔好得幾多咋喎，之前呃呃埋埋都唔少錢啦，執幾間鋪（舖）算係咩？冇做過衰嘢又點會搞到咁，等睇呢兩間嘢全線執笠。」