翠袖乾坤‧香港賤男

蒙妮卡

　身邊有幾位童年好友，經常碰面喝茶閒話家常，最近她們都為女兒的終身大事發愁。在母親心目中，女兒如花似玉，能幹有教養；可恨當今男兒不識好歹，賤男居多。且將她們咬牙切齒的怨言摘錄如下；

　A太：女兒和男友喝酒至深夜，男打電話來告之，「你個女爛醉如泥，點辦？」A太說，「麻煩你送她回來。」（以往女兒拍完拖，都是自己返家。）男答，「嘩！坐的士由蘭桂坊返藍田，好重皮。」A太答，「求求你，做個有風度紳士。」男終於答應送女友，但他說，「唔該你落屋企樓下接她，順便俾的士錢。」

　B太：某日見到女兒和男友吵架，女兒淚汪汪，B太心疼，欲做和事老。男方說，「你幫唔到。我要分手，但講唔出理由。我地正商量分手後如何做番好朋友。」

　C太：女兒和男友婚期已訂，喜宴請柬已派。女兒自小嬌生慣養，家住港島半山豪宅；男友收入低微，家住天水圍村屋。C太不忍女兒捱苦，準備貼錢買樓給女兒做嫁妝，誰知傷害了男方弱小心靈。一句「你睇我唔起！」自卑男子決意退婚。C太自責，呢一世都對唔住女兒。

　D太：女兒首次帶男友返家見父母，一家緊張萬分，殺雞煲湯迎貴客。男友兩手空空登門，一入屋，腳搖身擺，無喱貴氣；坐上飯桌，舉起筷子先敲響飯碗，無喱家教。D太眼冤，對著佳餚美酒沒法下咽。她事後對女兒說，「女啊女，你可唔可以搵一個對住佢可以食得落飯既？」女答，「好難喇，連無飯食包隻都難搵。」

　E太：親友介紹一個年約三十五歲、事業有成，畢業英國名校的華僑博士生給女兒，他專程返港相睇，一家人以為執到寶，興奮萬分，安排豐富節目接待遠方客，包括去參觀太空館和博物館。誰知博士生是阿嬌「粉絲」（疑似艷照案前），他一落飛機，即邀E太女兒去捧Twins演唱會。據女方形容，大博士見到台上阿嬌當場兩眼發光，又唱又跳「似足十五歲」。

　慶幸我沒有女兒，否則，我寧願佢嫁唔去。