 放大圖片
【本報訊】慈善節目《星光熠熠耀保良》前晚於紅館圓滿落幕，當晚邀得多位當紅歌手參與演出，包括產子後首度上台獻唱的陳慧琳(Kelly)、李克勤、譚詠麟(阿倫)、陳奕迅、薛凱琪、楊千嬅、孫耀威、黎耀祥及胡定欣等。當中Kelly產子後首度在台上表演，現場所見狀態不俗，至於丁太千嬅配以結婚進行曲出場，又被大會司儀鄭裕玲(DoDo)形容為「唔再收收埋埋已結婚的千嬅」來介紹。
前晚《星光熠熠耀保良》活動中，阿倫、司儀DoDo互寸笑爆全場，DoDo介紹長者服務時寸阿倫就快用到，但阿倫卻擺她與呂方上台說：「叫埋呂方約你一齊打六通拳！」DoDo聞言即急急回應：「我們已分手！不用約埋！」前晚多位歌手及藝人均有到尖東出席慶功宴，但Eason、Kelly、千嬅及克勤等等有家室之人卻未有到場。問到阿倫在台上寸盡DoDo，他強調只是玩玩而已，並解釋道：「係份稿寫住，稿寫住我同佢都有份用長者服務，所以𡐖埋佢落水！」問到會否怕她介意，阿倫笑言：「有咩好介意，玩下，唔好話一場夫妻，一場朋友約埋打拳唔得咩？健康來的！」
看錄影帶扮MJ
黎耀祥前晚於活動中大出風頭，大晒扮嘢天份，他在演出中分別模仿秋官、羅文及Michael Jackson，又唱又跳，現場觀眾反應甚佳。事後他接受訪問時亦滿意自己表現，又自爆事前練習時間不足，只練了4小時便上台，祥仔說：「今次演出時都一額汗，因為並非我拿手項目，可算是終極一戰，扮MJ又難又唔夠時間排！」祥仔強調平日沒有扮嘢，自言是一個看書文靜之人，加上不擅跳舞，今次扮MJ都是看錄影帶參考。提到當晚掀起全晚高潮，祥仔難掩興奮神色，並說：「係呀！多謝大家，得意一點著數一點！」至於會否再試扮鬼扮馬，他笑言：「唔會！今次終極一戰，幾十歲人當留念，雖然我唱過秋官、羅文的歌，但未唱過《笑看風雲》、《波斯貓》！」祥仔之前曾當司儀，這次扮嘢又好評如潮，問到會否向演戲外其他方面發展，他說：「今次難得機會盡力做，自己都當搵後路，能夠在紅館又唱又跳，事前都好掙扎，怕應付不到呢個挑戰！」他強調演出前的日子緊張得每天早上5、6時便睡醒，以後會謝絕類似邀請。
至於周麗淇(Niki)亦大讚祥仔演出。Niki表示：「我們在後台等時個個爭住睇，估唔到祥仔唱歌都OK，無諗過佢跳MJ的舞都咁勁，好似演唱會個個拍掌擁抱佢，可以講係全晚高潮！」
薛凱琪上圍忽然有睇頭
另外，薛凱琪當晚大跳性感肚皮舞，穿上紫色中東裝的Fiona上圍明顯比平日豐滿。事後她坦言自己之前一晚才學識該舞蹈，Fiona表示：「其實我都係將勤補拙。」她直言舞衣是從中東訂回來，老師私伙借出。對於她上圍忽然有睇頭，Fiona解釋：「因為呢件衫上身有Push-up效果。因為本身有墊，任何女仔著上身都有呢種效果，並非突然有這種身材！」
對於有指胡定欣演出時露黑色內褲，定欣承認條褲太短兼貼屁股因此無法著打底褲，露出的有可能是黑色內褲。
|
放大圖片
