|
李自明
政改一役，風起雲湧，最堪咀嚼的並非結果，而是香港政治版圖可能會出現的變化及種種政治後遺症，尤其是反對派陣營中的白鴿黨、公文袋和癲狗幫這3大勢力的此消彼長和期間所用的攻守謀略，必定「離奇過小說」，而坊間正就此提出各種可能。政壇老友嘆言，香港的一套「政治方程式」，就像羅文高唱的《家變》中的兩句經典歌詞，「知否世事常變，變幻原是永恆」，政壇在這段敏感期間的一點風吹草動，並不必然等同未來香港政治地貌就會向這方向發展成形，最關鍵的還是「You're what you do」，各政黨在未來一段時間所言所行，才是各黨消長及政治版圖變化的決定因素。
綜觀古今中外，「從政方程式」總是向前人偷師，借鑑經驗，其中不變的定律，就只有「在政治來說，1日已經太長」、「沒有永遠的朋友，也沒有永遠的敵人」等，而所謂「鐘擺效應」，所謂「鋤強扶弱」，乃至「鐵票流失」，都有時效性，今天因方案通過而出現的所謂「政治實力此消彼長」，不敵屆時發生任何「新鮮熱辣」的議題重要。
白鴿黨雖失票 贏中立者支持
老友坦言，政改爭議甫定，但要推斷香港各政黨誰勝誰負仍難見真章：「盲嘅都睇得出，今番白鴿黨失咗唔少『民主原教旨主義者』的票，但同樣贏得不少取態中立的市民的支持，癲狗幫就靠所謂『公投』打響激進名堂，又將失敗的怨氣轉移到白鴿黨身上，吸咗好多憤青同紅小兵的支持，同佢苟合嘅公民袋就輸到一仆一轆，所謂『理性』、『溫和』一鋪清袋。不過，世事難料，幾年前，邊個諗到一個非裔美國人可以効種族偏見仍然嚴重的美國做總統？呢樣係短期或者係長期現象，就有待事實驗證理論與事實之間的差距。」
他說，香港政制設計的遊戲規則，在於令弱勢政團及人士都有機會「一齊玩」，而香港政治版圖雖被視為大底已定，難有「新發展」、「新突破」，但事實卻非如此，其中最明顯的例子就是癲狗幫的崛起。
老友解釋，「香港投票率最高的一次，都不過5成幾，近幾年就4成幾，即係有成5、6成半人冇投票啦！咁佢哋點解唔投票呢，一係就覺得冇實際需要用選票表達意見，一係就覺得冇候選人代表到佢哋，而後者有部分人就會覺得現在的候選人冇咩智慧或唔夠理性而唔投票，有部分就認為齋talking冇意思，最好日日搞事過日辰，癲狗幫就志在効每區吸納2%至3%的激進選民，完成在比例代表制下一區一席的野心，所以佢哋就猛搞激，在08年立會選舉就猛打公文袋毛姨姨，猛搶其他反對派政黨支持，同時又搞『爛仔式抗爭』吸引一批以前唔會出來投票的憤青加入，策略好明確。」
癲狗幫續搞激 穩定憤青票源
他續說：「『憤青處處有，呢處(香港)特別多』。香港經濟越發達，尤其是班食飽無憂米的『80後』、『90後』心靈就越空虛，就好似美國咁發達同多元化的社會，就出咗好多成日話要武裝推翻聯邦政府的右翼民兵甚至邪教囉，經過癲狗幫煽動，仲有成班自詡為『公共知識分子』同埋『蛋頭學者』為佢哋嘅行為尋找理論基礎，分分鐘搞出事，到時癲狗幫會唔會成功搶多啲位又或者從此摺埋，都實在好難估。」
宜貫徹理性路線 忌三刀兩面
白鴿黨支持政改方案通過，贏得部分中間派選民的支持，但在選舉時卻又未必「有運行」。老友說：「白鴿黨要令呢班中間選民唔單止口頭支持，仲要在選舉時投票先有用，但癲民兩黨一定會用盡手段，令呢批中間選民對選舉感到厭惡而唔願出來投票，就似今年搞到『七一遊行』人數大減一樣，但最重要嘅係，白鴿黨要走理性、溫和路線，就要貫徹到底，唔好三刀兩面，為了一時的喝倒彩聲而行返轉頭，阻撓有利於發展香港經濟同改善社會民生的措施，到時激的嫌你唔夠激，唔激的俾你激到唔願出來投票，搞所謂『公投』的公文袋就正係前車之鑑！」
|
