|
香港文匯報訊（記者 鄭治祖）特區政府決定就立會議席遞補制公開諮詢，行政長官曾蔭權並承諾會於其任期內堵塞有議員「辭職再選」，搞所謂「公投」的機制漏洞，獲得普遍市民的支持。
網友支持特首企硬
在網上討論區，網民「mangwa90」留言道：「支持特首，呢鋪一定要企硬！」，「Sverige」指，「反對有人利用補選機制，進行所謂『公投』，一定要堵塞漏洞！」，「johnchanhk」亦說：「支持特首立法咪再俾班廢柴再玩嘢，但係如果各位覺得議員辭職再補選，浪費納稅人金錢係無問題就另計……（5區補選開支）1億2,000萬，建公屋可以建幾多單位？」
「yuka_chloe」說：「有議員唔効度（去世）或係有病要唔做，呢D補選係OK，但係為玩嘢而咁做，我一定唔會OKAY。」，「hksarac」則揶揄道：「哈哈，政府法例有漏洞，竟然有人反對立法……所有法例漏洞，政府應什麼都不要做。」
就反對派聲言特區政府「假諮詢」，網民「dummylem@n」看不過眼道：「之前又話政府無諮詢民意，剗家押後諮詢民意又話政府假諮詢，想點呀你地班友！」，「笑你飛刀」亦指，「聽市民意見，就叫轉軑；唔聽你又話佢死不悔改」。
揶揄「犯民」不滿無得玩嘢
有網民則點出反對派「得寸進尺」的心態。「bb101450」說，「今次民意不是一面倒，『犯民』當然不滿喇……無得玩嘢，無得玩辭職……當堂沒有口實去反對」。
「陸雲亭」亦坦言，「（反對派）初初只係話要求政府為要先諮詢、後立法之嘛，好啦，政府聽到民意口勒，終於肯讓步畀兩個月時間作出諮詢，才進入立法程序啦，但班『泛民』又反口唔止要求政府要先作諮詢咁簡單喇，而係直情要求政府要徹回方案，班『泛民』議員直情係上得床嚟又宜得掀被冚啦」。
|
