 放大圖片
■劉浩龍慘被卓韻芝打。
香港文匯報訊 (記者 李思穎) 劉浩龍(師兄)高調承認與容祖兒拍拖後，即引來不少負面新聞，自此師兄不願多談感情事，甚至乎他跟祖兒合拍電影《DIVA華麗之後》也絕跡所有宣傳活動，除了避開同場機會，師兄早前也未有跟女友度過拍拖後首個生日，可謂一場「苦戀」。多次缺席《DIVA》電影宣傳的師兄，昨日竟然能抽空現身一個網站活動，同場的《DIVA》監製杜汶澤聲言要質問師兄，而師兄被主持卓韻芝追問與祖兒的感情事時一臉不悅，但承認感情生活開心。
師兄透露這陣子每日都為新劇《第二人生》拍足14小時，而這個活動早已度期才能出席，說到他缺席所有電影宣傳，師兄解釋：「我一直只係會做香港宣傳，可惜真的撞期無法現身，因也要遷就其他演員如太極、趙學而的期，總之有份參與該片已很開心，(是否擔心出來宣傳的焦點落在你和祖兒戀情上？)唔係，的確是忙，預計要拍到9月15日，之後便去瓦努亞圖拍旅遊特輯，如果有期一定會幫電影宣傳，(杜汶澤要質問你為何不宣傳？)叫佢來質問我啦，我都好支持套戲，咁我今日以演員身份幫手宣傳，(是否有壓力不能宣傳？)唔關事，所有工作去到便去，因為每次時間倉卒，第一次拍戲都希望做好一些，之前生日都係放了一日假，12日收工後與謝霆鋒慶祝，13日便與家人食飯。(那祖兒可有出現？)無，真係好忙，(是否拍戲後便沒有見過祖兒？) 唔講了，(她有否送禮物給你？) 無。」
又，杜汶澤對於師兄現身其他活動卻沒有出席過《DIVA》一片的宣傳，他愕然說：「佢今日會來？佢成日咁忙又來到這活動，我實問下佢，部戲啲宣傳無見過佢，票房欠他一個，佢死啦，我啲便不來，(擺明避祖兒？)我一陣問下佢，(公司勒令不准他宣傳？)英皇是一間大機構，絕不會做這些事，一會兒會捉他問下，不過網上見到佢post張相手瓜好大隻，強而有力的臂彎，我怕唔夠佢打，一雙肉臂已經引人遐想。」
|
放大圖片
