罕有展示「事業線」 毛姐爆志偉望到實

放大圖片

■周秀娜、吳千語與毛舜筠分享拍攝趣事。

香港文匯報訊 《浮華宴》的一眾女演員毛舜筠、周秀娜和吳千語近日接受有線娛樂台節目《賀歲片大檢閱》訪問，分享拍攝趣事。

毛舜筠在新戲中形象大突破，一頭短白髮令人眼前一亮，她表示為了這個造型，天天都要早起到片場：「每日我都要凌晨四點去到片場set個白髮，坐足4個鐘先可以開工拍戲，因為要搞好耐，成日都要麻煩其他演員等埋我先得。」

毛姐另一突破是穿Deep V戲服示人，她更指飾演其老公的曾志偉也看到目不轉睛：「都係件衫嘅問題，我從來無諗過會咁Deep！着咗出嚟，我自己都好唔慣。最搞笑係曾志偉係咁望住我，望到我好尷尬，尤其是佢嘅高度，真係睇到實一實。我就想鬧佢唔好再睇！」不過毛姐續笑稱一山還有一山高：「之後柳巖出嚟，佢真係好『偉大』，在場所有人，包括男男女女都即時轉移視線望實佢。好彩佢及時出現，我成個人舒服晒，直頭覺得解脫。」周秀娜稱可惜無緣看到，笑言在場的話，她也可能要「企埋一邊」。

再度和曾志偉合作飾演夫妻，合拍十足的他們更以老公、老婆互相稱呼，毛姐笑稱為免「真老公」吃醋，每次曾志偉打電話留言，都會躲在廁所偷聽。

而首次和毛姐合作的周秀娜，表示和毛姐拍對手戲最緊張，想不到吳千語也即時附和認同。毛姐即時反問：「我個樣似會鬧人咩？」吳千語頓時小聲回應，場面惹笑。不過二人解釋因為毛姐對演戲有要求，她們只是怕演得不好而緊張。