 放大圖片
劉先生。記者蘇洪鏘 攝
劉先生：買內地樓都唔揀香港
劉先生現時在香港與父母居住石硤尾公屋，去年終於置業，但卻是與太太在廣東省東莞花費約40萬元買樓，「七百幾呎，兩房大廳，香港無得諗啦。」他又說：「聽過人哋講九成按揭，但俾一成首期都覺得好難負擔。假設你香港供一間五百幾萬的樓，每個月供萬幾蚊，但一家人平均亦只係收入萬多元，俾埋層樓錢都唔使食㗎喇。」
月入逾兩萬難買樓
今年38歲的劉先生，從事汽車、電子業，月入大概兩萬多元，他笑說：「都唔錯㗎喇，但買唔到樓囉」，並慨嘆近5年樓價「升得好癲」，「2004、2005年時好平咋，碧堤半島都百幾萬，而家升咗兩倍。」
他直言，香港樓價已去到難以負擔水平，目前「租好過買」，覺得高樓價原因是發展商推高樓價。
顏小姐：夾心階層置業最辛苦
家中有一位小朋友的顏小姐，家庭月入兩萬至三萬元左右，一直有置業打算，但樓價太貴所以未行動：「夾心階層會最辛苦，又有小朋友要照顧，唔上唔落咁。」現時一家三口於大圍用九千元租住一個三百多呎的單位，不諱言住得太細影響生育計劃，「唔會咁急生多個小朋友，因為你都會考慮經濟情況㗎嘛。」她又透露：「聽啲同學仔的媽咪講，大圍租金都貴過九龍城了。」
近一年顏小姐間中亦有睇樓，「沙田那邊屋苑成日有新高成交，而家唔睇沙田啦，主要睇馬鐵沿綫，方便老公返工。」她現時目標是在大圍區購買七百呎至八百呎的單位。
地產商霸道定價貴
對於樓價應該跌多少才合理？她顯得較為理性：「對於我哋嚟講，當然越低越好啦，但又唔可以低得太離譜，如果唔係香港咪冧囉。如果跌兩三成，都受惠好多人㗎喇。但無機會啦，一來房屋供應太少，二來啲地產商亦霸道，定到啲價好貴。」
李先生：租屋只因「無得揀」
李先生現時以月租4千多元租住大圍一個百多呎的劏房。問到為何選擇租樓而不去置業時，他相當「無癮」稱：「無得揀嘛。」他又感嘆現時樓價好貴：「就算新界區都無可能買到啦。」
首期須屋企人幫忙
李先生向記者說，一直有留意大圍及沙田區一帶的樓價，目標是購置300多萬元的住宅，但已經好少選擇。他又慨嘆「你都見到啲樓價真係唔係自己負擔得起的價錢，而家講緊三成首期，自己無可能攞到100萬元作首期出嚟買樓」，日後可能須要屋企人幫忙。
他慨嘆，又認為供樓負擔好重：「就算可以做一成首期，但供款都貴，每個月要付萬幾元，好吃力。」李先生劏房住到去沙田區，原來是方便靠近住在沙田區的屋企人，他表示，雖然自己於中環上班，但租屋以及日後買樓都會選擇較近的地區。「其實大圍都好方便，呢度搭火車出去都快。」
|
放大圖片
