|
問：陳教授，請問嗰個財政情況現在進度如何？上次戴教授就講話......
陳健民：戴教授都講咗㗎啦，交咗畀會計師樓處理。到會計師處理好晒成個結算之後呢，我哋會公佈嘅。
問：有冇話大概係幾時（公佈）呀？
陳健民：我哋都係等會計師啦。會計師𠵱家開始同緊我哋啲工作人員喺度對緊啲單，𠵱嗰我哋要睇會計師嘅進度，我哋𠵱家冇辦法知道幾時（公佈）。
問：佢地（會計師）依家會唔會畀個feedback你哋？
陳健民：佢（會計師）......會用佢自己專業嘅時間去做啦。咁總之佢哋做完，我哋就會公佈啦。
問：咁嚟緊嘅「佔中」一周年，你哋會唔會有啲咩活動呀？
陳健民：冇冇冇咩嘢呀......我哋自己就......咁就「和平佔中」已經解散咗㗎啦基本上，因為嗰個政改方案否決咗之後呢，我哋嘅工作就無咩可以繼續㗎啦，所以只係人哋搞嘅（活動），我哋去參與囉。
問：𠵱家有冇話獲邀去咩活動呀暫時？
陳健民：都係「雙學」會有啲活動喺添馬艦......添馬公園呀，即係唔知26號呀咁......或者28號下晝喺大學會有啲活動呀咁......基本上都係呢啲啦咁。
整理：香港文匯報訊記者 鄭治祖
|
