第二被告劉卓毅代表律師清洪
清洪：過去你有意拒絕回應調查警員，究竟你的敘述是源自記憶還是網片？......另有可能，你不想被不能更改的證供約束？
曾健超：我冇咁諗。
清洪：點解供詞唔提有人叫你行快啲？
曾健超：我𠵱家冇解釋。
清洪：你（庭上）作供期間，製造證供出來。
曾健超：唔同意。
清洪：你話佢哋講「示威哎嗱」，口供搵得到嗎？
曾健超：搵唔到。
清洪：有咩原因？
曾健超：冇。
清洪：你喺度製造新證供？
曾健超：唔同意。
清洪：2015年09月30日 你獲capo（投訴警察課）邀請，重看片段以辨認自己，要求你睇咗16條片，而法庭播過嘅片，包括在內。
曾健超：係。
清洪：2015年10月16日，你同法律代表到了capo辦公室，睇咗20條片，而法庭播過嘅片，包括在內？
曾健超：係。
清洪：你被要求在片中認出自己？
曾健超：係。
清洪：睇完片後你話你攰，拒絕提供證人供詞？
曾健超：係。
清洪：當時叫你喺片中認自己，有咩咁難？
曾健超：我嘅擔心係，當時警方一直提出好多預設。
清洪：你只係被要求認出自己，有咩咁困難？
（曾健超無回應）
第四被告劉興沛代表律師蔡維邦
蔡維邦：主控曾畀你睇片，每一段後都會問你，片段同你對當晚的記憶係咪一致？
曾健超：係。
蔡維邦：你每次都回應，係一致？
曾健超：係。
蔡維邦：我向你指出，你講大話，因為你對當日凌晨你被捕，即你被噴胡椒噴霧後，喺你身上發生嘅事，完全無獨立記憶。
曾健超：唔同意。
蔡維邦：被制服前，你亦用了很大程度的武力。
曾健超：唔同意。
蔡維邦：你的證供是否完全冇反抗？
曾健超：係。
蔡維邦：我向你指出，這是大話。
曾健超：唔同意。
第六被告關嘉豪代表律師林芷瑩盤問
林芷瑩：在九龍城法院的審訊（即曾健超襲警案），你嘅代表律師結案陳辭時向裁判官表示，潑液男子與中區警署內的男子非同一人，你記唔記得？
曾健超：我記得。
林芷瑩：他話潑液男戴着頸巾（scarf），而中區警署內拍到嘅人冇頸巾，但你喺今次審訊中，就話係同一人。我指出，你喺這個庭上講大話。
曾健超：唔同意我講緊大話。
林芷瑩：代表你嘅大律師喺九龍城裁判法院，指出兩者非同一人？
曾健超：係。
林芷瑩：我向你指出，你今日喺庭上說嘅話，即你指潑液男及中區警署內均是自己，並非真相。
曾健超：唔同意。
資料來源：法庭 製表：記者 杜法祖