■麻利亞合十多謝大家關心。香港文匯報訊（記者 李思穎）DJ麻利亞的「的士狂迷」粉絲上周疑襲擊商台DJ當奴、Collin及Jacky，現時疑兇已經落網，事發後麻利亞休息了一星期，至昨日正式復工返電台為節目《口水多過浪花》開咪，回復正常生活，而麻利亞看來精神不錯，笑容滿臉，看來心情已告平伏。
麻利亞昨日現身電台接受傳媒訪問，現場有逾20名記者，麻利亞神態自若說：「唔驚，知嗰個人（指疑兇）喺邊就唔驚，仍會繼續坐的士，但會坐相熟司機的車，司機都叫我唔好再坐其他車。」說到事件對她造成的騷擾，麻利亞謂：「事件進入司法程序不便多講，但會心寒，而且唔知可以點，加上講出來不多人信，令人覺得你咩新鮮蘿蔔皮有人跟你，但其實有人騷擾你不是讚美，不等於你地位好高、好受歡迎、生得好靚，而是無原因，可是身邊人要受這種苦都不敢出聲，怕會被人奚落。不過去到一個位應該出聲，我當時跟公司同事講，我真心驚受威脅，希望大家唔好嫌我煩陪我一下，都多得大家信任和支持，所以大家遇到不快事要講出來，唔好自己啃。」
麻利亞眼見同事被襲擊大感難受，因連累了身邊人：「他們是無辜，我都無辜，但沒法子，唔知點幫到他們，因為已硬食驚嚇同受傷，（要求公司加強保安？）看更們好關心，每次離開都幫我看看出面有無其他車輛，但打開門返工好難避免，地理上環境有限制，故此人同人陪伴最重要，（現在出入有人陪嗎？）無，今日一個人去食雲吞麵，同事說我大膽，但自己都要回復正常生活，都有草木皆兵的狀況，要慢慢過渡。」
麻利亞離開時合十多謝大家。至於節目拍檔鄭裕玲就準備蛋糕為麻利亞打氣。