■黃淑儀(中)稱最喜歡吃菠蘿油。香港文匯報訊（記者 梁靜儀）鄭裕玲（嘟姐）、黃淑儀、許廷鏗、張名雅、徐天佑、洪卓立、鍾舒曼及肥媽等，昨日到沙田馬場出席《WE LIKE HK》啟動禮，一眾藝人分別推介香港飲食、購物及旅遊熱點活動。
為活動擔任司儀的嘟姐，表示覺得今次活動很有意義，所以爽快答應。對於「食、買、玩、睇」四個主題，她大讚香港值得一來：「香港係美食天堂，各國各家美食都有，平有平食，貴有貴食，我就鍾意食雲吞麵、水餃麵。購物又好方便，有很多商場又大又行得舒服，又有主題公園，適合一家大細去玩。而香港夜景世界知名，由山頂望落去好似珠寶鋪滿地，所以好值得嚟。」
許廷鏗表示最愛香港美食，他自爆平日食得很勁，若不是入行，相信已經變了肥佬，他更說：「我已經都接受肚腩好耐，之前幫人整牙，都覺得個肚腩頂住張牙醫椅，不過我都會keep fit，但香港美食太難忍口，我推介菠蘿油，如果中間可以夾塊煎蛋就無得頂。」
廚藝了得的黃淑儀同樣最喜歡吃菠蘿油，但由於製作過程麻煩，所以未有親手整過。提到兒子徐肇平與前華姐冠軍張曦雯（Kelly）傳緋聞，問到兒子可有向她解釋？她說：「唔需要解釋，年輕人嘅嘢我放手畀佢交朋友、做嘢，等佢習慣吓香港生活方式。」她表示信任兒子，亦不心急兒子結識女友。問到兒子可有帶女朋友回家見家長？她笑說：「佢成日都帶成班人返屋企玩，男男女女都有，我情願佢帶人返屋企玩，佢帶人返嚟我咪消失搵節目，但基本要求係用完個廚房要幫我清潔。」