■黃秋生香港文匯報訊（記者 梁靜儀）黃秋生、甄詠蓓、林德信（Alex）及鄭丹瑞長女鄭瑤，昨日到柴灣出席《漂書節2016》揭幕禮擔任主禮嘉賓。秋生表示平日喜歡睇書，家中書房的藏書量更多到足以壓死自己。問到可有感染到兒子？他說：「修讀佛學嘅大仔鍾意睇佛經，但我唔係本本都有。」
提到其契仔陳冠希(Edison) 近日鬧台灣女星林志玲的事，秋生表示知道有此事，但沒有留意新聞。問到會否點化Edison不要如此大脾氣？他不欲多說：「呢啲我唔會多事去管，幾十歲人，後生嘅嘢自己解決。（Edison畀人話蝦女人？）話乜都好啦，我又點知人哋後面發生咩事，表面去睇嗰件事就表面去處理，愈搞愈亂。」
Alex日前被拍到與女伴到台灣出席陳妍希婚禮，女方更為他按摩雙手，問到該女伴是否女友？Alex扮懵說：「嗰度好多女仔，（摵你pat pat嗰個？）係咩？好多人都摵我pat pat。」問到現時是否單身？他就笑稱目前與莎士比亞「拍拖」，因為排了兩個多月莎士比亞舞台劇。舞台劇將於十月公演，問到會否邀請緋聞女友AGA前往捧場？他笑說：「AGA會嚟睇，但唔送飛，因為舞台劇要賺錢。（AGA有無問你台灣女伴件事？）唔會傾呢啲嘢，佢忙練歌。」