■有學生在fb爆料指移小麗「走完一堂又一堂。」 fb圖片「小麗老千」劉小麗自擔任立法會議員後出錯次數之多，真係數到唔想再數，但近日就有新嘢玩，就係質疑佢當選後教書唔用心。除了「臨時走堂」外，近日更有facebook專頁踢爆小麗老千竟然早走然後搵議員助理頂檔，又揀星期日晚做補課，「你（妳）當我地（哋）學生係啲咩？」有網民認為小麗老千既然無能力身兼兩職，就唔好誤人子弟，索性辭工做個「全職政棍」算罷啦。有人更質疑她是「博炒」，既可以食言做「全職政棍」又可以扮被政治迫害攞分，一舉兩得也。
劉小麗在理工大學專業及持續教育學院轄下的香港專上學院，擔任人文、設計及社會科學學部講師，教授Gender Issue課程。在立法會選舉期間，她聲言自己一旦當選，不會做全職議員，以免「要為選票做政棍」，故不會辭去教席。在當選後，她稱在與校方協議，已將自己任教兩班的其中一班交予另一講師。不過，即使減少了工作量，小麗老千仍然被質疑經常「走堂」，到底是時間管理上有問題，或者純粹是無心裝載？
早退議助代噏 周日晚夾硬補堂
在由香港專上學院學生管理的「HKCC（香港專上學院） + SPEED（專業進修學院，理工大學專業及持續教育學院轄下另一教學單位） Secrets」fb專頁中，有疑為小麗老千的學生發帖質疑道，「其實小麗老×仲要走幾多堂？本身reg Gender 就reg你，除左（咗）輕鬆派靚grade外，都想從一個有些少權威既（嘅）老師認識下（吓）Gender呢科講咩。點知你呢條小麗老×走完一堂又一堂。」
他更踢爆稱，「之前因病cancel情有可源（原），但係因為你立法會份工就走堂簡直罪無可恕，仲要有一堂膝（失）驚無神話要早走，搵個非cc教職員（即係議員助理）代堂× up（噏），你（妳）當我地（哋）呢班學生係咩？補堂星期六先喺moodle出notice，仲要揀埋哂（晒）星期日夜晚呢啲咁既（嘅）時間。我小麗你老×，你當我地（哋）學生係啲咩？」
網民促查嘥公帑 嘲劉白拎人工
一直狙擊小麗老千的「無敵神駒」轉發了有關帖子，更發文稱，「劉小麗的學生要爆發了。老實說，要是牠（她）無法兼顧授課，應該主動向校方請辭。有乜可能揀星期日夜晚補課，仲要星期六先通知？仲要衰格到搵個據報係議員助理嘅非教職員代課？你咁樣運用公帑好唔妥當，相關部門應展開深入調查，是否有人涉及違規行為。」
不少網民均留言附和，齊數小麗老千不是。「Nicole Hung」質疑道：「大學通常要教師同學生商量咗改堂個日子先可以confirm 。唔可以自己揀個日子學生硬食喎。」疑為小麗老千學生的「Paul Lam」就回應道：「其實佢事先一早有同學生傾，不過就假民主。剩係比（畀）堆垃圾時間學生揀，最後咪得出星期日晚，仲要補到十點半先完。」「Kwun Yu Lam」就明言，「我一見我嘅gender由小麗教就即刻drop。」
另一疑為小麗老千的學生「Vincent Chow」就為對方辯解，「小麗好老師黎（嚟）嫁（㗎 ) ！」「Dominic Cheung」即揶揄道：「走堂既（嘅）都係好老師？」「Zhukov Montgomery」就諷刺道 :「佢用佢既（嘅）行動教識學生車大炮可以白逗（??）十幾萬人工，係（喺）呢個拜金社會絕對係學生既（嘅）好榜樣！」「Khanawut Wat」就「幸災樂禍」道，「Gender issue舊生表示僥倖避過一刧（劫）。」 ■記者 羅旦