其實唔係人人抽水都受歡迎㗎，特別係自己同被恥笑嘅對象一樣咁多仇口。馮檢基搞出「關公災難」而被插，曾喺新界東參選，結果被批評累「新民主同盟」前議員范國威落敗的鄭家富，就喺自己同馮檢基嘅fb抽水，結果就俾人鬧冇資格抽水。
馮檢基被懷疑自己兼埋民協藍剔fb專頁嘅管理員，結果被人鬧公器私用。鄭家富就風騷地在自己fb專頁發帖稱：「鄭家富官方專頁不是由鄭家富本人管理，有三個小編幫手管理的。」帖子更標註了「基哥慘變專頁管理員」、「馮檢基黨」、「永續馮檢基」、「秦始皇」、「基哥做返專頁管理員好嗎」、「火爆新世代」，擺明抽水。
咁都唔單止，鄭的fb管理員更到民協專頁有關帖子下留言，「基哥乜無人幫你咩，要有勞基哥做管理員？小編S。」有網民就睇唔過眼。「黃活志」稱：「你同禿頭基（馮檢基）都係鎅票黨，有咩資格抽人水呀？基哥洗（使）咩回POST呀，學富哥咁DEL（刪除）曬（晒）D（啲）唔啱聽既（嘅）說話咪得羅（囉）！」
「Vincent Chan」就反擊話：「咖喱犯（范國威）搵啲假AC（fb戶口）網軍入嚟。范前尊貴都係咁BLOCK（封鎖）人喎！其實呢李卓人係比戴妖（『佔中三丑』之一戴耀廷的『雷動計劃』）害死嘅，係戴妖叫人棄李卓人保（社民連副主席）黃浩銘，係×九西基前唔該×戴妖亂配票先！」「黃活志」就稱：「你要×『佔中三恥』同范就自便，關我咩事？唔好係（喺）到（度）幫×家富轉移視線！」 ■香港文匯報記者 羅旦