■蟲泰稱收到獄友求助想訂「文公報」。 fb截圖香港文匯報「成功爭取」「熱狗」主席、「尊貴的」立法會議員蟲泰（鄭松泰）的關注？話說蟲泰在自己的fb專頁中稱，他早前收到了一個獄友求助，對方話自己「想訂『文公報（《文匯報》、《大公報》）』」。
蟲泰問到何以要睇「文公報」時，對方就稱「文公報報導（道）『熱狗』新聞，報導（道）得好足架（㗎），網上罵戰CAP圖又有，又整埋圖，好有娛樂性......」
蟲泰話，對方向佢求助時，話自己「我想訂『文公報』，但不被批准，職員話政治色彩太濃厚，所以唔批」。雖然其他報紙就訂到，但該求助人「就係想睇『文公報』」，因為「熱狗」新聞跟得足喎。
蟲泰就回應話，會向「有關方面」反映一下，仲整咗個「無言」嘅表情符號。
得到蟲泰「宣傳」同「加持」，其實係應該高興定發愁呢？話說回頭，近日一直狙擊「熱狗」的「無敵神駒」仇思達，因為其fb帖文獲民建聯等建制派轉發，就被人話係「勾結」建制派打擊「熱狗」嘅陰謀，咁香港文匯報報道「熱狗」「咁足」，蟲泰又會唔會被清算呢？
其實，「熱城」搞清算，引人發笑之處有時真係好睇過娛樂新聞，香港文匯報都係想大家「食多啲熱狗」，開心吓啫！ ■香港文匯報記者 羅旦