■蘇冠聰批評九巴設休息室事件，其後鬼祟刪帖。個個都話關心打工仔，唔通個個都真係關心打工仔咩！九巴在樂華設立臨時休息室，被房屋署以違規為由圍封。事後，曾為民主黨成員、反對派的觀塘樂華南區議員蘇冠聰即發帖，質疑話：「九巴大晒？」結果被網民鬧爆，指九巴已申請多年仍未獲批，建臨時休息室只是為員工着想的權宜之計，「做議員唔出嚟幫手協調，又唔肯幫工人爭取權益，淨係出嚟四圍抽水！」有人更批評，「有人諗住車長唔係本區居民，梗係唔出聲。點知樂華站大把樂華街坊，俾人票債票償咪啱咯。」
蘇冠聰前日在fb發帖，並上載了該臨時休息室被圍封的照片，文中稱：「九巴不可思議系列：無申請擺休息室 + 無申請駁電。我們明白巴士車長需要地方休息，但九巴總不能未經房屋署同意亂放休息室，還望九巴能依法申請。」他帖中還加上了「咁都得」、「九巴大晒？」等標註。
蘇冠聰可能料不到網民咁大反應。「James Lau」狠批道：「聽人講九巴都有申請過，係你哋遲遲都唔批，人哋都係好心見啲員工冇位休息，如果要休息就要上部冇得開窗有（又）冇冷氣嘅巴士，擺個休息室喺度俾（畀）啲員工可以抖（唞）吓，你哋又要鬧，仲要威脅人哋要搬走個休息室，你有冇搞錯呀！有冇體諒下啲車長呀？又要享受人哋啲服務，仲要俾（畀）咗錢就當自己係大帝，揸得慢啲又嘈，揸快啲又嘈，冷氣大啲又嘈，冷氣洗（細）啲又嘈，乜都嘈一餐，但係又唔比（畀）人哋休息吓，你究竟係咪人嚟㗎，有冇人性㗎，×家剷！」
「Kitson Wong」也批評：「你有冇為樂華邨服務的車長爭取過，冇嘅話請收皮！」「Kwok Kit」點名道：「蘇冠聰議員，咁多個區議員我見得多，最無人性嘅你係第一個！車長唔係人啊？」「WY Yandy」則揶揄道：「要咩要咩線就識同九巴爭取，好啦，俾（畀）左（咗）你以（𠵱）家連要個休息室都唔得？ 呢啲係唔係叫過橋抽板？我只需要爭取自己既（嘅）野（嘢）其他野（嘢）就關人咩事？」
「Pui Kei Chan」就大講反話：「搬走個站佢啦，樂華邨民唔需要巴士。」「Keith Mak」也稱：「申請減班，啲車�喺牛頭角總站休息，夠鐘就牛頭角起載。」「Adwin Lam」則道：「下次樂華全體司機身體不適2A,23M,28全數脫班唔好埋怨。」
鬼祟刪帖 未有道歉
群情淘湧，蘇冠聰鬼祟刪帖，其後又發帖回應事件，但未有道歉，辯稱「九巴放下員工休息室的位置為樂華北邨範圍，並開始架設電線，與建議的方案完全不同」，又稱「大家的意見不會影響我支持九巴提交的休息室方案，亦不影響我服務樂華的心」云云。
網民唔收貨批卸責
不過，網民就唔收貨，批評佢推卸責任。「Godwin Chen」爆晒粗回應蘇冠聰：「咁你幫下手啦×你老母，互相尊重你老母，人哋巴士司機大熱天時無冷氣你有尊重過人咩？咁巴閉你咪熄咗你Office個冷氣囉，正一打靶仔。」「EK Wing」就揶揄道：「轉軚咁快，講得咁好聽，之前就唔會有個tag叫九巴大晒啦，又話九巴點點點......」
■香港文匯報記者 羅旦