■「癲佬力量」起底。fb圖片「熱城」搞「清算」搞得多，現在終於俾人以彼之道還施彼身。《熱血時報》兩名男節目主持人，進入愉景新城商場女廁拍片，「本民青政狗」紛紛喊打，仲話要報警。負責拍攝有關片段的女節目主持人也被「起底」，指她在國泰航空工作，所以要去信國泰投訴，「趕絕佢。」涉事女主持人不得不在fb發帖，公開道歉。
發起投訴損國泰形象
《熱時》兩名節目男主持，包括李鶴年及孔文希闖入一間商場的女廁，話要「睇曱甴」同拍埋片。揭發此事的「香港癲佬力量」fb專頁昨日繼續發帖追殺，將當日拍片的女節目主持「起底」，話佢喺國泰航空任空姐，「未知國泰航空，是否鼓勵員工此等行為呢？大家對國泰航空嘅方針有咩疑問，佢哋都好歡迎我哋去查詢。」
不少網民都話要發電郵去國泰投訴。「Macy Cat」稱：「個女主持係（喺）條片講哂（晒）粗口，都幾流利㗎， 乜原來係空姐，我覺得都好影響國泰個形象囉。」「Bon Bosco」則指出：「問下因航（國泰）個阿嬸係咪可以兼職，因為熱狗主持係受薪。」「Jacky Chu」擺到明係要幫自己友「報仇」：「大家不要忘記當日啲人點搞盤菜（支持『本土民主前線』發言人梁天琦的《100毛》偽人盤菜瑩子）。......從公司、廣告商入手。」
涉事主持人公開道歉
涉事的女節目主持人「Joey Tse」其後發帖公開道歉，稱「當時我地（哋）响（響）商場裡面，因為我去廁所時見到好多曱甴，我好驚咁出返去搵另一個廁所。當時阿年（李鶴年）同阿A（孔文希）話同我一齊去搵，但係（喺）途中撞到商場管理員，同我地（哋）講因為商場已經過咗營業時間，只得嗰一個廁所有開，......佢地（哋）見我咁驚就話陪我去廁所趕走d（啲）曱甴。之後去到廁所係我地（哋）一時貪玩開咗live影曱甴，而進入女廁係冇任何不軌意圖，當時我亦都知道女廁裡面冇人」。
當然，「癲佬」繼續追殺，「熱狗睇死冇網民會為熱血時報主持嘅違法行為報警，仲話報警都冇人理，假如多人報警、爆料俾（畀）傳媒、向當區議員投訴、向愉景新城商場大業主投訴物業管理公司、唱俾（畀）全個荃灣區嘅區（居）民組織聽叫佢哋唔好去愉景新城商場因為有闖入女廁嘅變態佬出沒......睇下點~」
網民「Tachibana Kaka」就似乎真係去旺角警署報警，話個沙展回覆佢話「有警察已經做緊大埔年（李鶴年）入女厠（廁）呢單案，個沙展講嘅嘢係真定假我唔知， 佢話如果你想知道進度你可以去返荃灣警署」。
睇嚟呢單嘢越玩越大喎！
■香港文匯報記者 羅旦