■「蟲泰」稱《公安條例》是「惡法」。 fb截圖香港文匯報訊（記者 羅旦）大學校園吹起「獨風」，香港各界群起掃「獨」，為轉移視線，反對派近日不斷狙擊立法會議員何君堯，22名立法會議員更聯署稱何涉嫌違反了《公安條例》，又話要譴責又話要調查。不過，「熱狗」主席、身為議員的蟲泰（鄭松泰）就沒有簽署，稱《公安條例》是「惡法」，所以他不會贊成為求「殺死政敵」就認同「惡法」咁話。佢一表態，就被傳統反對派狙擊，「民陣」召集人區諾軒就話「一國兩制」都「不義」喎，叫佢唔好喺香港生活咁話。食花生永遠唔嫌多，大家要睇吓呢場鬼打鬼可以搞幾耐了。
反對派22名議員在聯署聲明中稱，何君堯有關的反「獨」言論係煽動暴力，涉嫌違反《公安條例》喎，又稱警方及律政司應該同對付「獨」人一樣，一視同仁，「採取相應行動。」好明顯，聲明其實就係轉移視線，同埋為「獨」人開脫。
奇怪嘅係，「宇宙唯一本土派」、「熱狗」嘅蟲泰冇簽到喎。「狗主」黃毓民即刻喺自己網台節目度炮轟佢。
蟲泰就喺自己fb發帖解畫，首先形容發炮嘅狗主係「有網民」，「如果大家細心留意該聲明內容，倘若我們是站在抗爭者的一方的話，請問你又怎能夠同意利用專門對付抗爭者的《公安條例》作為法理依據呢？一條『惡法』，本是『惡法』，今日要殺政敵，然後endorse 惡法，什麼玩法？」
他又寸嘴道：「不要每次都要我說明，本席是1比69好嗎？......點解我要無時無刻提高警覺？大家明唔明我真係好忙，成日都要回應這些無聊問題∼∼」
不少「熱狗」紛紛附和。「Yeung Sum Biu」就稱：「好快下次建制用返『惡法』搞返飯民（「泛民」），飯民（「泛民」）自找苦吃，活該受報應。」「Lam Fong Fong」更稱：「智力嘅嘢，社署幫唔到，除非佢要去庇護工場。」
「法國佬」「無敵神駒」齊鬧
不過，被踢出「熱狗」嘅「法國佬」張珈衍就留言踩場：「×你老母！鄭松泰！咁你地（哋）以前示威又去攞不反對通知書？不反對通知書係for（from）《公安條例》！」
「無敵神駒」仇思達就發帖話蟲泰係垃圾，「×你老母，基本法夠『惡』啦，你條×人又宣誓擁護基本法同效忠特區政府？多×餘，辭職啦×頭皮！」
「民陣」召集人、民主黨區議員區諾軒也在其fb發帖鬧蟲泰：「廢物。......你講乜嘢公安條例不義就唔聯署呀？『一國兩制』都好『不義』呀，功能組別好『可恥』添呀，你又生活喺香港？仲去選立法會？唔好俾（畀）藉口自己啦，正白旗旗主鄭松泰！」
「Brandon Yau」則揶揄：「快 D（啲）燒咗自己張身份證啦，唔好承認『港共政權』簽發嘅身份證明文件啊！」「Wan Hoi Wing」就回帶這名「正白旗旗主」的名言：「鄭松泰：『大眾係白癡，當我哋係本土派！』」
大家點睇？食住花生咁睇囉！