■短片中有一把男聲模仿羅冠聰，在記者會上哭訴自己在獄中「被黑人雞姦」。視頻截圖YouTube近日流傳一段短片，將「雙學三丑」被法院改判監禁時舉行的記者會，惡搞為「羅冠聰（羅三七）在監獄被黑人雞姦！」其他反對派當然出嚟譴責啦，仲話此舉涉嫌觸犯「不誠實使用電腦罪」。不過，「熱狗」前頭目狗達（黃洋達）就批評，其他反對派經常惡搞特區政府官員，「改到狼又有狗又有」，「你話觸犯『不誠實使用電腦罪』？......即係你地（哋）認同，惡搞片係應該要用「『不誠實使用電腦罪』拉×曬（晒）？咁成班『黃絲』網民拉曬（晒）啦！」
網傳二創片 哭訴後庭不保
該段短片標明為「二次創作」，其中有一把男聲模仿羅冠聰在記者會上發言，更哭訴自己在獄中浴室洗澡時「被黑人雞姦」，又稱害怕患上愛滋病等等。曾將教育大學冷血標語美化為「言論自由」的民主黨立法會議員許智峯，此時就聲稱擔心香港的言論自由被濫用，或會影響社會風氣，縱容一些人繼續漠視法紀，要求嚴懲有關人等。
狗達就在fb引用了有關報道，狠批道：「『黃絲』『泛民』真係黐×線嘅，你點樣惡搞鬧人都得，梁振英林鄭嘅惡搞歌惡搞片惡搞圖，大家都開心share，改到狼又有狗又有，改成垃圾桶都有。......好啦，政敵配音改片，你話人低俗話可恥乜都好，你話觸犯『不誠實使用電腦罪』？民主派議員呼籲執法嚴懲？即係你地（哋）認同，惡搞片係應該要用『不誠實使用電腦罪』拉×曬（晒）？咁成班『黃絲』網民拉曬（晒）啦！」
網民：雙重標準 只問立場
他又提到在立法會審議版權修訂條例時，傳統反對派就話修訂係「網絡廿三條」，聲稱要捍衛「二次創作」的權利，又搞集會又拉布，「明明成班之前仲話『不誠實使用電腦罪』係惡法！即係啱你用就良法，拉你就惡法！如果有個官求其講左（咗）句野（嘢）23條會入到佢，你仲唔支持23條立法？其實係咪真係曲線爭取23條立法？......呢班人話同你爭取公義，你唔驚？」
不少「熱狗」紛紛附和。「林方」指出，「『泛民』『黃絲』低B，惡搞羅冠聰坐監被雞姦最多只係民事誹謗，不涉及刑事，如果惡搞係刑事，咁『泛民』『黃絲』日日網上惡搞『689』、林鄭、建制派人仕（士）咪係刑事罪行。」「Adrian Ip」揶揄道：「佢哋嘅思維其實係『只許民主創作 不許建制惡搞』。」「Flyson Liu」說：「對你有好處嘅就係公義，對你冇好處嘅就係惡法。」
「熱狗」竟然都口生象牙，唔知大家點睇呢？ ■香港文匯報記者 羅旦