■被朱咪咪孭住行石春路，陳豪搞笑反白眼。香港文匯報訊（記者 梁靜儀）歐陽震華（Bobby）、 陳豪 （阿Mo）、田蕊妮 （阿田）、江美儀、麥明詩（Lousia）及朱咪咪等，昨日出席無綫劇集《誇世代》宣傳，其間眾演員分組玩遊戲行石春路，Bobby以公主抱阿田走路，阿田就叫Bobby要抱好些，否則影出來的相會顯得她Pat Pat大，Bobby聞言就叫她：「你自己夾實佢啦！」，而阿Mo就被咪咪姐孭住行石春路，他更搞笑反白眼扮「死魚」。
剛奪得新加坡電視頒獎禮「最佳喜劇演員」的Bobby，獲粉絲送上香檳， 心情大好的他透露前日清晨才返到香港，小睡幾個鐘便要去綵排舞台劇，但最終因太攰而取消。問到可會慶祝？他笑說：「會，啲黐飲黐食的朋友，不過都係高興事，《誇》劇個群組都有廿幾人，本來等食蔣家旻個餐先，佢喺台慶贏錢，但未過數，咁咪食咗我嗰壎澝o。」
Bobby月尾到上海演舞台劇
Bobby表示今個月尾將到上海演出廿場舞台劇，誇年也可能於當地度過，相隔廿多年再演舞台劇，他笑言自己今次接演相當大膽：「咁上海觀眾想睇，又有熟悉班底，萬綺雯、楊天經、唐寧佢哋，做完舞台劇唔知有冇得休息。」至於可想再下一城在無綫頒獎禮攞獎？Bobby說：「我諗喺TVB冇獎攞，有個好奇怪嘅現象，有幾多喜劇演員會得獎？公司應該考慮增設呢個獎，否則喜劇演就沒獎，增設咗就可以不分男女、老中青大啲年紀都可以得獎，（同無綫反映？）反映緊啦！如果今年有，我第一個投票畀許紹雄，我覺得喜劇演員獎好似覺得自己好專業，但又唔代表要收貴些。」
陳豪大讚玩遊戲拍檔朱咪咪是搞笑能手，很懂得搞氣氛，在這方面也有想向對方學習如何令大家開心，因他也是玩得之人。他又指在家中通常負責教導子女玩的時候要注意安全，相信作為爸爸多數教導向外的知識。
他又透露出席活動前，出席了長子以英雄系列作為主題的生日會，兒子打扮成超人好得意。問到送什麼生日禮物給兒子？他直言兒子太多禮物，又認為小朋友太多禮物不是好事，所以他會將玩具捐出去，因為太多，捐了兒子都唔知。聖誕節他就會在家開派對，太太會煮火雞，自己就負責食。
麥明詩儲定情信物留子孫睇
麥明詩的前度男友林作被拍到有新女友，Lousia坦言有留意報道，並嘆氣說：「前度有新歡大家明白唔會一啲感覺都冇，好正常，唔會嬲，但會嘆息，咁就（拍過拖）三年！（浪費了三年時間？）唔係浪費，係經歷人生階段，珍惜以前回憶之餘，更體會生命一直繼續落去。」她又稱不會丟掉以前的定情信物，要留給子孫睇：「都有好幾箱，我叫以前男友唔好送咁阻地方的禮物畀我， 細細份方便收藏保存。」 問到可覺得甩難？她表示不覺得所謂甩難，又謂前度有新歡，別人一定會比較 ，但她覺得林作新女友都幾靚。