■「蒸魚安」睇嚟有鋪易服癮，有網友搵到佢張校裙相扮「卡娃兒」。 fb圖片「熱狗」銀根短缺，狗達（黃洋達）同殘獸胃（陳秀慧）兩公婆少咗「旅行救港」，「體育救港」（之後「進化」為「體育救世」）亦都因此摺埋唔做，最近佢哋啲老友仲爆出「毫子救港」呢鋪傑作，勇武到大鬧餐廳。《熱血時報》幫佢出過書、原名叫譚家博嘅「安德烈」，自爆幾年前因為餐廳侍應找少幾毫子畀佢，佢就拍枱鬧人兼掃嘢落地，最後仲成功爭取到50蚊現金券，以為自己好有型咁話。最後點？咪俾各門各路嘅網民??到開花囉，而「熱狗」都立即割佢席，但當事人仲話：「拍枱×侍應都唔敢仲講咩抗爭？」
「蒸魚安」自爆大鬧收銀
話說狗達同殘獸胃前幾晚喺《熱時》開咪，講到香港服務業今時今日咁嘅態度唔掂，同時被人揶揄做「蒸魚安」嘅譚家博，之後就喺節目個facebook群組度留言，話自己2013年喺一間意大利餐廳食飯，埋單嗰陣餐廳因為「四捨五入」找少咗幾毫子畀佢，於是佢先發炮鬧找錢個女侍應，再掃冧收銀盤、張單同啲散紙，嚇到個女仔搵經理拆掂佢，最後經理畀返幾毫子佢，仲送咗張50蚊現金券𠻹：「我最×憎人做生意幾毫子都要貪呃×個客。」
單嘢咁爆，好快就由群組呢啲塘仔傳到出公海，幼稚、無品、小氣、搲着數呢啲批評衝住「蒸魚安」而嚟，而佢嘅應對手法就係見一個block（封鎖）一個，不過群情洶湧，佢又點block得晒吖？
仇思達嘲「熱狗」無好嘢
「蒸魚安」有《熱時》幫佢出過書，又不時上《熱時》啲節目做嘉賓，選舉嗰陣更加幫過「熱狗」助選，咁大個位，「無敵神駒」仇思達仲唔入得就入咩：「『熱血公民』就是人間垃圾，見親報都無好嘢，唔係走出馬路阻塞巴士，就係為幾毫子欺負侍應。如此橫蠻無理，病虫（蟲）太（鄭松泰）都無動於衷，繼續藏污納垢，『熱狗』真是折墮！」
另一方面，《熱時》好多主持都block咗「蒸魚安」，費事上身，成班網軍亦都發散晒話「蒸魚安」唔係「熱狗」，殘獸胃更加攞住有網友話呢單嘢要「老屈『熱狗』」嘅截圖當擋箭牌等。
「蒸魚安」之後喺坉荂u哲學大師安德烈」嘅專頁度「負隅頑抗」，先嚟一句「拍枱×侍應都唔敢仲講咩抗爭」，仲話香港人軟弱、無抗爭意識，唔識爭取返應有嘅嘢，有人幫手抗爭就鬧人暴力。不過，佢喺結尾度就忽然「認罪」，話當日自己應該只係攞找少畀佢嗰幾毫子，唔應該攞埋張現金券囉！ ■香港文匯報記者 陳庭佳
