■「原作者」發帖揶揄范國威。fb圖片范國威同其他反對派嘅關係有幾「好」，相信係人都知，但鬼叫佢勝出咗反對派「初選」，大家喺公開場合梗係要含淚撐佢啦，但唔少人就會間中寸佢幾嘢。好以范國威出席選舉論壇時，展示一幅圖講九巴最近優化薪酬架構並唔係加人工，就用咗職工盟張相。
職工盟中人、疑為該圖「原作者」的「Carlos Hung」就發帖揶揄：「偷圖偷到上選舉論壇，大大個工盟LOGO，問都唔洗（使）問聲。我整既（嘅）成本計唔計選舉經費？我唔想比（畀）你用喎。」職工盟組織幹事杜振豪，同前「學民思潮」嘅朱偉聰都讚好。
點解張圖唔想畀范國威用？原來話係因為范國威唔支持全民退保，同經常攻擊新來港人士。「Carlos Hung」話畀圖佢用嘅條件係：「佢要先支持全民退保，同堆（埋）一埋（堆）倡議承諾，簽份承諾書比（畀）工盟喎！」「Rublev Andrei」則道：「佢個黨唔同新移民（新來港人士）計較，我地（哋）咪唔同佢計較囉！」
■香港文匯報記者 羅旦