■袁海文喺黨慶問題上衝咗出嚟，話啲人「乜都有得嬲」，形容佢哋係「烏蠅」喎。 袁海文fb截圖鴿黨（民主黨）黨慶因為收咗特首林鄭月娥3萬蚊捐款而俾同路人鬧到反艇，雪中送炭嘅人就唔覺眼，雪上加霜嘅豬隊友就有一個。Plan C袁（袁海文）冇得選後大家又開始唔記得佢，但佢喺黨慶問題上就衝咗出嚟，話啲人「乜都有得嬲」，形容佢哋係「烏蠅」喎。點知網民一句就技術擊倒佢︰「烏蠅通常係『嬲』屎，係咪即係話民主黨係屎呀？」
Plan C袁前日喺facebook出文話︰「燒基本法道具又要嬲，特首捐3萬蚊又要嬲，乜都有得嬲。Well，突然想起：有一種生物，叫『蒼蠅/烏蠅』。乜都嬲。」
俾人鬧仲寸寸貢，大家戰鬥力即刻提升。「Chan Jason」就話：「311補選過冇耐，民主黨整單咁既（嘅）野（嘢）比（畀）選民嘆，下次補選等輸到×直，真心興（慶）幸冇含×投票！」「Kwun Man Kong」也道：「換咗班年輕人當家，以為會有新氣象，點知今次唔食屎，直接變咗督屎。」
「Morris Leung」更質疑Plan C袁自比鴿黨為屎，然後引經據典話︰「物必自腐，而後蟲生；人必自侮，而後人侮之。」
Plan C袁當下仲未死心，繼續同「Morris Leung」過招︰「你咁支持區諾軒，我唔相信你會覺得佢腐爛lol（大笑）。」「Morris Leung」︰「尤其係佢退出咗民主黨......」
Plan C袁呢下真係駁唔到嘴，「Rublev Andrei」乘勢恥笑︰「即刻冇聲出lol（大笑）。」「Anthony Choi」亦話︰「聽到文哥塊面俾人打到啪啪聲lol（大笑）。」「Ken Tung」加把口︰「扔西瓜尋海文。」
Cheap禎諷袁海文「白蟻」
一向唔妥傳統反對派嘅「港獨」分子當然唔放過打落水狗嘅機會。「青症雙邪」中的Cheap禎（游蕙禎）就截咗Plan C袁個帖，用標註嚟揶揄曾經同領展高層會（面）嘅Plan C袁：「同領展高層飲有汽果汁又要嬲」、「入中聯辦談個心又要嬲」、「有一種生物叫白蟻」等等。
「Fanwa Kaoka」就喺留言度揶揄：「佢覺得自己黨係烏蠅嘅食物定烏蠅嘅產卵地？」「Bullet Wong」也恥笑道「烏蠅好似會嬲屎」，並標註「咁樣曲線話自己」。
「Alan Fok」就話：「有一種生物叫白鴿，天生白鴿眼！」
Cheap禎在回應留言時曲道：「大家唔好鬧佢啦，人地（哋）已經好大壓力，俾（畀）d（啲）空間同時間佢同佢個黨。」
「Hoi Ming Wong」就回帶：「十幾年前，劉千石提出大和解，俾司徒華大罵是叛徒，猶大。選舉又被封殺，咁邊個俾（畀）空間劉千石呀？」
「獨派」沙田區議員陳國強個助理邱文勁喺轉發Cheap禎個帖時就話：「第一次見有議員公開鬧選民做蒼蠅。」■香港文匯報記者 甘瑜