■Cheap禎十分珍惜最後時光，同「猛烈南瓜」去「龍圖閣」食中菜。網上圖片反對派中人搞唔到事就開始行煽情悲壯路線，不過有時都要夾吓口供㗎。「青症雙邪」個Cheap禎（游蕙禎）日前求情先講到自己幾咁想珍惜分秒去陪伴父母，但飲食博客（blogger）「猛烈南瓜在飯桌」前兩晚就寫文大爆自己早兩日又同Cheap禎飲飲食食，想借啲煽情文字去幫佢漂白。其實，呢位blogger都真係好錫Cheap禎㗎，搞到自稱「愧對患癌雙親」嘅坉麂鴘峈峊掍捸A仲俾網民揶揄係入獄當減肥。一直好撐佢嘅時事評論員岸伯（黃覺岸）仲突然爆句「肥無罪，食得避孕藥多而肥都係無罪」，搞到劇情突然超展開。
經常喺fb貼自己同Cheap禎飲飲食食，仲要唔係好嘢唔食嘅「猛烈南瓜」，喺篇扮晒食評嘅文度，一開首就先話自己心情「特別沉重」，因為Cheap禎佢哋5條友喺「自己工作地方」「抗爭」，但俾人判4星期監禁，話「荒天下之大謬」。見佢咁講，唔通真係名正言順咁做嘢嘅保安，俾佢哋「暴力抗爭」而整親係抵死？
呢筆唔講啦，睇吓Cheap禎點樣珍惜最後時光先。「猛烈南瓜」話，佢哋近日已經第三次去到尖沙咀中菜館「龍圖閣」食飯，就算Cheap禎明明想陪父母、轉咗食齋都照到，幾有大家心，佢仲約「猛烈南瓜」年尾再食過𠻹。
求情話食齋 求完食返肉
「猛烈南瓜」一路形容Cheap禎幾咁清心食齋，文章最後又話︰「妳選擇不上訴，一定有妳原因，與其拖拖拉拉不如引刀一快；我就當妳入去修行三個星期，希望妳無穿無爛出返來，到時再飲過。」衝擊整傷人嘅人講到成個受害者咁，唔知頭唔知路真係會以為Cheap禎好慘㗎。
不過，佢哋之前約定「下次食羊腩煲」喎，乜又唔食齋嗱？定係求完情之後，佢父母嘅癌病即刻好返？造物主真係神奇嘅啫！
社運淫亂事 岸伯見得多
不過，最慘嘅始終係，食到Cheap禎肚腩都多咗個圈，唔通真係化「悲憤」為食慾？喺岸伯fb一個有關Cheap禎嘅新聞轉載帖子，「Teddy Li」就上載Cheap禎個肚腩張相仲留言寸爆：「坐一個月監減肥最好。反正最近條女食咁多好西~」點知岸伯叫對方唔好咁口賤之際，突然爆一句「肥無罪，食得避孕藥多而肥都係無罪」。
嘩，食咗「誠實豆沙包」乎？呢一句真係「震驚世界」囉！「Teddy Li」即刻揶揄：「嗱，我就無話佢食過乜野（嘢）藥呀吓。人地（哋）私生活我一向就唔評論嘅。之但係亂Up（噏）人地（哋）可能食避孕藥致肥的人（即係講緊你啦 on8） ，呢種作風就幾無口德嘞~」
岸伯就急急「澄清」：「 我都無話誰，見得社運界淫亂事件多，但從來尊重個人自由。」
有人爆響口噃！點睇，食住花生當笑話咁睇囉！■香港文匯報記者 甘瑜、陳川