■陳耀初的宣傳單被張鳳嬌指責偷用其圖片。 fb圖片香港文匯報訊（記者 陳川）為咗爭明年區議會選舉議席，反對派之間咬來咬去已非新鮮事。最近，「將軍澳青年力量」嘅社區主任張鳳嬌，就因為爭位而同「將軍澳民生關注組」嘅陳耀初嗌交。近日，張鳳嬌就出咗張帖，話陳耀初嘅單張用嘅相侵犯咗坁怵v喎！
睇吓公民黨立法會議員陳淑莊匿喺柱後扮記者向運輸及房屋局局長陳帆「叫問」，同「議會陣線」議員毛孟靜扮抹鼻涕拉布，就知反對派中人幾咁小學雞。
有意出選將軍澳富藍選區嘅張鳳嬌，早前聲稱佢嘅直幡俾當區區議員「遮住」、俾人欺壓喎，打住「將民組」旗號嘅陳展浚突然去挑機，話佢??「將民組」有意喺同區出選嘅陳耀初嘅票，結果打晒大交。
「將民組」「將青力」互數臭
陳耀初唔知係想抽水或者伸吓橄欖枝，近日印咗份單張批評建制派議員幾「過分」，單張內用咗「將青力」此前喺fb貼出嚟嘅相，其中仲形容「將青力」係「區外組織」。
結果呢，「將青力」就喺fb發帖，話「衷心感謝各方人士支持及鼓勵我哋工作」，又話佢哋係「為服務『將軍澳區內』嘅地區組織」喎，明係反擊陳耀初。
話鋒一轉，佢哋話「希望其他人士能尊重知識產權，單張中兩幅照片都同我哋5月31日facebook所發佈嘅一樣，唯單張上並無標註照片來源，另亦有修改原圖尺寸，我哋從未收到有任何人士查詢借用或轉載」。
疑為陳耀初支持者的「Mayi Lam」就留言回應：「Andrew陳生本來係可以冷眼旁觀的，但結果他在關注組出post（帖子）去關注張鳳嬌小姐被欺負一事，某程度係幫你地（哋）拎咗同情分的。如果放page的地球post要咁樣計較，第一俾（畀）街坊的感覺係雞蛋（裡）挑骨頭、甚至有些恩將仇報。第二俾（畀）街坊的感覺係小家。」
「Ming Lam」就反唇相譏：「想問下（吓）你地（哋）個親愛既（嘅）Andrew叫人地『區外組織』然後再偷人地（哋）張圖，再改到完全唔出人地（哋）個樣，再係（喺）個POST到隻字不提受害人個名算唔算小家呀？」
「Mayi Lam」就反駁：「如果一張相不是什麼藝術設計，而是純粹一個事實反映，再加上照片本來也是刊登在一個公開的專頁的一個地球post的時候，已經不能叫作『偷』了。如果這樣叫『偷』的話，我家兒子做功課剪報剪了一張新聞圖片貼作業是否又叫『偷』？」
她續說，「如果你還是堅持說這是『偷』，我也說了其他解決方法。一，叫人下架，甚至要對方聲明以後不可再提及和刊登一切有關你們組織和張小姐的資訊；二，report（舉報）去facebook囉。如果你（或你們）不做這些動作就只是不停在此大叫人家偷圖，其實有腦思考會上網的街坊會覺得這些反應很小家。」
咁樣都有得拗？第日無論邊個選到，各位街坊真係覺得佢哋會得閒理地區事務吖，定係將時間花喺同對家玩小學雞嘢鬥氣呢？相信大家一定心中有數。