反對派議員呢，成日將咩「民主」、「公義」、「言論自由」掛喺口邊，但身體好誠實嘅，一旦俾人篤中不可告人嘅死穴，就即刻發晒爛渣。支持「港獨」嘅中文大學講師劉正喺妐g營嘅fb專頁鬧「自決派」議員區諾軒多次缺席立法會會議，當大家以為身為立法會議員，又係區議員嘅吽A如果真係俾人抹黑可以講吓道理反駁吖，點知佢就好似潑婦罵街咁，去人fb留言鬧人黐線啦，起人底啦，搵人哋陳年舊事出嚟講啦。劉正就發文批評，「係咪想恐嚇我唔好再出聲？原來呢啲就係一個民選議員回應一般市民質詢嘅方式？......你還相信飯民（泛民）真的是守護市民的一方嗎？」 ■香港文匯報記者 陳川
區諾軒近日因多次在立法會討論「重要議題」時缺席冇投票而被劉正喺fb專頁鬧爆。身為議員，仲要自稱「民主」，人哋根據事實鬧佢兩句，等於汽車維修員隨身帶住士巴拿一樣都係好合理嘅啫，你真係衰咗咪認錯，人哋屈你咪攞理據出嚟反駁囉！
區軒心裡苦？ 鬧咗你先算
不過，唔知區諾軒係咪八奇，思考領域真係同一般人唔同。佢的確有發帖解釋因為一單一個月前約好之事而缺席投票，但就死都唔肯講咩事，話因為要「保護相關人士」喎。
咁嘅解釋，智商需要好似「青城派國師」陳云根嘅支持者咁有一百先會收貨。
劉正繼續鬧：「堂堂一個議員，就竟然用真身戶口走去人哋fb留言潑婦罵街。」
區諾軒喺留言度講啲咩呢？唔係道歉、唔係反駁，而係起劉正嘅底，包括話佢係中大教日本研究唔掂啦、佢屋企人係警察啦，唔夠人講就話人係烏蠅、黐線等等，真係完全展現咗囮@為一個反對派議員應有嘅氣質（見另稿）！
劉正：「黑議員」阻人質詢
劉正發帖話區諾軒好似情緒失控咁不斷留言批評佢，「其實作為一個立法會議員，係咪應該先保留一啲最基本嘅理智先呢......即係如果一個擁有咁大公權力嘅議員情緒竟然咁唔穩定，我係好擔心有人會亂用政制賦予佢嘅權力黎（嚟）做壞事、玩迫害。」
佢其後以《當向區諾軒議員質詢換來恐嚇一刻，你還相信飯民（泛民）真的是守護市民的一方嗎？》為題發文，話自己質詢區諾軒後，對方「由始至終都沒打算就事件進行澄清，而只是進行一連串的人身攻擊和恐嚇」，包括持續披露佢嘅一啲個人資料，例如「你以前做過什麼、你家人是做什麼職業、甚至你在哪裡上班我全都一清二楚」。
劉正話：「當然這些資料都是可以公開找到的，但在這個時候提出這些與市民質詢完全無關的內容為的是什麼？......不就是暗示『我對你私隱已掌握到相當程度，警告你如果再追問下去，我就有辦法令你不再安全』的恐嚇嗎？」
佢直指，自己從冇諗過有尊貴嘅立法會議員，會以「黑社會方式」嘗試嚇阻市民質詢，「而這個黑議員還要是來自飯民（泛民）的港島區民選議員，『議會陣線』和『香港眾志』的代表區諾軒！還記得許智峰、胡志偉等人當日說個人隱私對於立法會議員是如何重要嗎？怎麼『飯民（泛民）主派』裡面，就有政棍專門以別人的個人資料作為嚇阻市民質詢的『武器』？」
佢繼續質疑道：「我想請問在今日香港，『泛民主派』究竟是守護市民的一方、還是恐嚇市民的一方？當原來市民向飯民（泛民）議員查詢一刻，卻換來公開其個人資料及各種恐嚇的回應，以後還有誰能、誰敢真正監察『泛民主派』？我作為一個普通市民是否連擁有『免於恐懼的自由』的權利也沒有？」
網民：唔??公帑咪無人煩你囉
「Kwokchun Cheng」就留言揶揄區諾軒僅因受到批評就發爛渣：「你唔逗（??）九萬六公帑咪無人煩你囉！」
「Yuk S Siu」亦話：「議員有責任監督政府，而巿民同樣應該監察議員表現。既然有巿民質疑你所提及的『重要的事』是否指去旅行，可（何）不大大方方的（地）回答巿民？」
「Vincent Li」恥笑道：「平時飯民（泛民）唔開會當食生菜，其實阿區議員可以大方承認為同老婆遊埠有票唔投，反正下次選舉大家又要以大局為重含淚（投票）。阿區議員無承認亦無否認去日本，重（仲）要好隱晦咁話要保護某人，唯一合理嘅解釋就係，嗰個同佢去日本又好重要嘅人唔係佢老婆......講到哩（呢）度，佢發癲咁轉移視線係可以理解嘅。」