反對派堅持要立法會引用特權法調查沙中線土瓜灣站事件，再次講到好似生死存亡之秋，但其實大家都知道，佢只係想搵個政治表演舞台而已。大概因為咁，立法會日前辯論引用特權法嘅議案，公民黨嘅郭家麒、陳淑莊、郭榮鏗，同埋李國麟、葉建源都冇投票，就證明立法會查唔查，喺反對派議員眼中其實都唔係咁重要啫！
中文大學「獨」講師劉正又喺專頁「盡察」班反對派議員，結果口就講到立會調查有幾咁必要，但郭家麒、陳淑莊、郭榮鏗，同埋李國麟、葉建源就身體好誠實地冇出席投票。
佢仲點名揶揄網媒《立場新聞》喺報道呢單嘢時「上下其手」，「當日沙中線特權法表決，見倒（到）得郭榮鏗一個無投票，就將所有缺席投票嘅議員標起黎（嚟）；但去到土瓜灣站特權法表決呢，因為見倒（到）陳淑莊郭家麒李國麟葉建源成四個缺席投票咁多，就即刻唔敢Highlight出黎（嚟）比（畀）人發現。」
《立場》鬼祟唔標示
劉正寸爆話，呢個就係「黃屍大台」主導嘅「後真相時代」：「其實垃圾嘅編輯都係杞人憂天，即使係因為『飯民』議員缺席甚至倒戈而通過嘅政府議案，黃屍都一樣係扮睇唔倒（到），或者死撐『投飯民點都比投建制好』架（㗎）啦，更何況係呢啲建制大比數勝出嘅議案？」
「Kinson Yuen」就留言回帶返公民黨黨魁嘅「豪言壯語」，曲道：「特登唔出席黎（嚟）消費建制派嘅人力，呢鑊『泛民』重唔摑到建制派口腫面腫？」「Choi Yuk Hei」就曲直難分地說：「有時覺得班黃屍唔喺空白位加贊成已經算係咁。」 ■香港文匯報記者 陳川