■領事館派員接收請願信。所謂架係自己丟嘅，「港獨」組織「學生獨立聯盟」召集人陳家駒，喺七一遊行後小貓三四隻咁去英國駐港領事館，話廣深港高鐵香港段「一地兩檢」安排「違反中英聯合聲明」喎，仲喺嗰度紮營要英國駐港領事親自接信先肯走。不過，講就兇狠，佢哋紮咗兩晚，結果英國駐港領事館是但派個人收信，佢哋就散水收工。唔少人恥笑佢「勇武遞信」，人唔笑狗都吠啦，仲質問佢點解唔「以死相搏」喎！
話說「學獨聯」喺英國駐港領事館外逗留咗三日，都未能與英國駐港領事會面，可能對方覺得呢幾條友好煩，所以最後派出一個「代表」接收佢哋嘅請願信，仲承諾將佢哋嘅訴求向英國駐港總領事賀恩德（Andrew Heyn）反映喎。咁樣算唔算「階段性勝利」？但點都好，終於搵到個理由散水嘞，「學獨聯」為搵下台階，死剩把口咁喺fb發文話，佢哋會聯合「各界人士」繼續向英方「施壓」喎。
被回帶掛半條「獨幡」就走佬
唔少網民留言恥笑。「唐展懷」就話：「接信表示同情？可憐？接受？還是暗??恥笑？」「Lap Sun Ho」也揶揄：「笑×死，求其有個二打六出嚟收咗你封信就當完成任務，並出po表示目的已達，收信那位話唔定係保安都未定。」
疑似係「獨」派圍內人嘅「Dickson Tong」就寸「學獨聯」已經「慣性失敗」：「原本講到明係一定要領事出嚟接先肯離開，而（??）家就妥協。人唔笑狗都吠。做咩行動都冇成功。上次掛banner掛到一半又走佬。事前完全唔睇天氣。根本大風到掛唔到。得閒就亂踢人走。......抵你哋個組織失敗。」
「Sean Tam」就爆粗批評：「兄弟你無×野（嘢）啊嘛，你搞『港獨』去穩（搵）英國佬？關人乜×野（嘢）事啊！」「學獨聯」友「Haarriiss Li」就自以為好有道理咁回應：「唔搵外國勢力支持『獨』條×呀？」
「Tracy Wu」就用返陳家駒嗰句嚇人口號：「以死相搏嘛！」「Hoo Chen」揶揄：「一班On（戇）×仔，又話以死相搏？領事館門口自焚先得噶（㗎）！又要威又要帶（戴）頭盔！」 ■香港文匯報記者 陳川