■黃潤達（右）與梁耀忠（左）。 香港文匯報資料圖片香港文匯報訊（記者 何西）街坊工友服務處（街工）勞工組事件繼續發酵！近日是非纏身嘅街工副主席、立法會議員「白頭忠」梁耀忠，繼被指控無理解僱員工、好比無良僱主，後又「扭計」拒絕擔任立法會一小組主席。種種醜聞已惹來街工成員不滿，更爆發街工退黨潮。被視為白頭忠接班人嘅葵青區議員黃潤達與梁錦威亦喺前日正式宣佈退出街工。眾叛親離，黃潤達與梁錦威退出街工，令原本最高峰期，在葵青區議會擁有5席嘅街工，區議員人數跌到得返白頭忠同梁志成二人，真係風光不再！
街工5月初因白頭忠解僱3名勞工組成員引爆退黨潮，至6月已有5名執委及22名成員退黨，成員人數銳減超過四分一。不過事件餘波未了，被視為白頭忠接班人、接棒街工的主將黃潤達亦宣佈前日正式退出街工。葵青區議員梁錦威亦喺前日正式退出街工，佢話要與黃潤達共同進退。
黃潤達唔透露退會理由，亦不評論係唔係同白頭忠有關，強調暫時會以獨立身份喺地區服務。但佢表示退出街工後，仍然會關注基層和勞工議題，強調政治理念不變云云。被問會唔會加入其他政黨，黃潤達表示暫時冇打算。現任葵青區議員嘅吨S承認，街工嘅「牌頭」改變，或對地區工作有影響。
梁錦威則斥街工同白頭忠喺處理勞工組事件上唔公道、唔透明，「幾次見面都不清不楚，又五時花六時變，會內機制又處理唔到」，形容街工係背棄了基層嘅使命。
葵青區會議席剩兩個
一直被視為接棒街工嘅主將黃潤達同埋梁錦威都退出街工，相信呢次退黨，街工新舊世代交替就更加無以為繼。街工喺下屆立法會選舉將「動向不明」，亦變相令原本最高峰期在葵青區議會擁有5席嘅街工，區議員人數跌到得返梁耀忠和梁志成二人。
事件引起網民熱議，網民「Thomas So」斥白頭忠未能為街工「拆彈」：「霸住個位後生無得上好自然走人，做阿頭唔上進hea住做邊有人認同啊！有汗出無糧出自已（己）個個月搵拾幾萬。」「Lai Ming Kwan」就質疑白頭忠擔任議員嘅能力：「冇能力，冇承擔，冇吉士（guts），冇才能，冇口才，只有一頭白髮......選他的選民真係白痴！」