所謂黨同伐異，份屬反對派的立法會資訊科技界議員莫乃光，多次在立法會缺席投票而被批評，但作為反對派「傘後」組織的「前線科技人員」，就經常為他塗脂抹粉。中文大學「獨」講師劉正就出文狠批呢班「IT走狗」，為幫佢哋「主人」缺席投票開脫，顛倒是非黑白，話莫乃光即使有出席投票都改變唔到結果，將佢連基本議員義務都不盡嘅責任推得一乾二淨，「既然響垃圾（立法）會做乜都無用，點解仲好意思收足個個月九萬六袋落袋？」
劉正喺伭b專頁以「IT組織『前線科技人員』淪莫乃光走狗，為『飯民』缺席投票護短」為題發帖，話「前線科技人員」呢個組織其中一個重要任務就係「護主」：「一眾IT走狗嘅主人莫乃光。」
稱投票無用 甩底又何妨
佢首先「細說從頭」，話莫乃光身為IT界立法會議員，竟在舉辦網上問卷調查時將大量參與者的個人資料洩露，更質疑佢係為咗掩飾呢件事，同日話自己有「突發性失聰」嚟轉移視線，其後一連幾天缺席立法會各大小會議，包括前幾日討論觀塘音樂噴泉撥款項目嘅立法會工務小組委員會。
劉正批評，「前線科技人員」在事發後，就為莫乃光找藉口，並引用呢班「IT走狗」嘅講法，「既然立法會建制派係佔咗絕對多數，所以咩議案『飯民』都係唔會成功阻止得到，所以『投票紀錄可以參考、增加阻力可以係一個方法、但唔好期望過高』。然後又話『條路點行落去，大家可以各師各法......有人繼續立會資源戰，多一個平台總好過少一個』。」
佢直指，呢種講法係將莫乃光「明明出住公帑納稅人9萬6月薪，但連基本議員義務都不盡嘅責任推得一乾二淨──呢個世界有無咁著（着）數？」
「獨」師寸冇做嘢仲出糧
劉正質疑：「如果個個都學莫乃光咁鍾意開會就開，唔開就唔開，投唔投票都無乜所謂，咁點對得住次次都有準時出席投票嘅陳志全、朱凱迪（廸）？定係你『前線科技人員』想講，呢兩條友次次都準時開會係戇×，學你地（哋）主人莫乃光練精學懶，得閒出席幾次，唔鍾意就唔『番（返）工』開會先係正途？......唔該比（畀）個答案出黎（嚟）。」
佢仲話，如果學「前線科技人員」咁講，投票輸梗，所以喺立法會開會與否並唔重要，立法會議員職位作用只剩返作為「立會資源戰」，「我要響度問一句，究竟莫乃光有無將佢所有立法會議員薪津拎哂（晒）出黎（嚟）打『立會資源戰』？......既然響垃圾（立法）會做乜都無用，點解仲好意思收足個個月九萬六袋落袋？」
劉正又引用另一條「獨友」林忌聲稱：「乜有人會以為響IT界黎（嚟）講，九萬幾人工叫做好多？」「OK！咁莫乃光更加唔會稀罕果（嗰）些少薪水係咪？咁唔×該你班IT走狗，立刻叫你地（哋）主人公開佢有無每個月將人工資助『立會資源戰』！如果無嘅話，就只係講盡歪理、轉移視線、幫你地（哋）主人唔×投票護短嘅垃×圾！」
■香港文匯報記者 陳川